ضـــــــــــــــــــــوووووووووووووووووووووووووووآ آآآآآآآآآآآآآآآآآآآآ

[معيض بن شملان]

مساكم تغارريد


مصافحى اولى لن تكون الاخيره بإذن الله


صلوا على النبي



,,

الليل لامنه ضوا على العرب قالوا ضوا = وانا ضواي اتغيب الظلمه بنور اقبالها
هذا خفوق ٍ انكوا هذا خفوق ٍ انشوا = ياعزتي للي تمناها ولا يحتالها
عينه على مرقابها يبغا يذب ولا قوا = ولا مراقيب المراجل ضاري ٍ يرقالها
ايثني الصبه على ضيفانه وتبري الخوا = ويقلط الضيفه بعد ماكرموا فنجالها
يلعب على نفسه يقول إنْه ارتوا ولا ارتوا = ضامي وشطان الغلا متربع ٍ في جالها
يضرب على صدره بتنهيته ياملعون الثوا = ياحظي اللي كل مازانت غديت اقبالها
ويكذَب الخاطر وذيب الشوق في صدره عوا = يوم انها قلة به الحيلات لايحتالها
ويذكَر الهاجوس وقت ٍ فات يوم إنه نوا = نية شرف والناس نيتها بقد اعمالها
ذا السالفه مايحلها عقيد قوم ولا لوا = وين انت ياحلالها وين انت ياحلالها
هذي ضوا ماهي مع باقي الغنادير بسوا = اللي تبي تاصلها ترقى النجوم اشوالها
يحق له مجدولها الا انتثر ولا انطوا = كنه يقول البنت ذي بضمها وانا لها
شموخها سر لتواضعها فنفس المحتوا = والعز في مكنونها من عمها لي خالها
مدغم ابوشيبه يقول .. احفظ لها هذا الهوا = ( واذا نستني هذي الدنيا وهذا حالها )
وانا بقول الله يعديها عيون اهل الغوا = والله يقدرني على ماجوبها واحتالها
والسالفه مايحلها عقيد قوم ولا لوا = وين انت ياحلالها يالله ياحلالها

[نوض البنفسج]

السلام عليكم ..


صح لسااانك يامعيض ..

وابياتك منحوته بجنون الاحساس ..

رائع ،،... انت ..

فلا تحرمنا من جديدك ..

وياهلا فيك ..


تحياتي لك

نوض

[مسفر مبارك]

معيض اليامي
:
ومن يجهل هذا الشاعر ذو الحجم الكبير
:
أرحب ياغالي هذا أولاً
:
وثانياً صح لسانك رغم أني قد قريتهـا
:
لكن شهادتي فيك مجروحه
:
مودك
:
مسفر اليامي

[محمد الغيثاني]

ارحب يا معييييييييييييض اتحفتنا واسعدتنا بهذا الرائعه

لا هنت وبيض الله وجهك واللــــــــــــــــــــــــــــه كريم يحلها

[محمد نادر سويد]

الاخ العزيز معيض ابن شملان

مصافحه ممتعه اسعدتنا بها

صح لسانك مليون ولايكفون

قصيده جزله من شاعر جزل

تقبل اجمل تحياتي

[سعيّد ابوجعشه]

معيض بن شملان مرحبا بك في مجالس العجمان على الرحب والسعه

و صح السانك على القصيده الجزله وفي انتظار جديدك

[الغروب]

الاخ / معيض بن شعلان

مرحبا بك في مجالسنا ...وصح لسانك على ها القصيدة الجزله