بعض السوالف .....!!!!

[الرحال2006]

السلام عليكم ورحمة الله

اليكم بعض من قصيدة بترت بعض الابيات منها لكي لا تفقد خصوصيتها الخاصه جدا

ولاني اطلت عليكم بالجديد

وحسيت بالقصور توّجب علي المشاركة بهذه المقطوعه اتمنى
ان ترتقي لذائقتكم الرفيعه

اتعبتني يا قلب في بعض المماشي والامور = امشي على كيفك وانا في داخلي شخصن مصاب
بنيت لي بين الرمال الشامخات من القصور = وزرعت حول اللي بنيت اوهام واسقيته ســراب
صدّقت ما قلته ولا ناظرت وش حولي يدور = امشي ولا ميّزت انا ماشي خـــــــطا ولاّ صــواب
وهّقتني لا عشت في حالي ولا نلت السرور = ذوّقتني طعــــم العنـــــا واسقيتني مــــرّ الشراب
تهديني الوان الشقــا وامدّ لك باقــة زهـور = ويا قلب كـــم عانيت وبسبابك تجــرعــت العذاب
منّيت نفسي قلت يمكنّك مع مر الشـــــهور = ترجع عـــن اوهــامك ويهديــــك ربي للـــصواب
لكن فيك عنــاد ما مثله ونا رجلن صبــور = صبري عليك تجاوز المنطــــــق ويتعدّى النصــاب
غامرت يوم اسندت لك دور ما هو لك بدور= حسبت في الحسبان حسبــه وضيّعــــت الحسـاب
بعض السوالف زينها لو تنقبر وسط الصدور= اخير والله من نتايج ما تجــــيب الاّ الخــــــراب
سلام لك يا فاهم اللي اخفيت يا بدر البـــدور = يا زهوة ايامي ويا غلى من ربــوعي والقراب
يا مالك احساسي وتدري بحسّي والشعــور = يالغـــايب المبــعد ويا الحاضر بزولك في الغياب
بحضورك عيوني ترى عنها يغيبون الحضور= وان غبت فيهم شفت طيــــــفك يا عزيز الجناب

وسلامتكم ،،،،
لـ الرحــــــــال

[&آهــــات الحــــزن&]

ًصــــــــــح لســــــــانك اخـــــــــــوي الـــــــرحال عــلى القــصيدة المـــميزه

ولاهـــــــــــنت

[بندر العجمي]

صح الله لسانك



والله لايشينك يالمبدع




وجزززله من جززل




اخوكـــــ

[محمد الغيثاني]

الله الله يالرحال اطربتني

يا مالك احساسي وتدري بحسّي والشعــور = يالغـــايب المبــعد ويا الحاضر بزولك في الغياب
بحضورك عيوني ترى عنها يغيبون الحضور= وان غبت فيهم شفت طيــــــفك يا عزيز الجناب

[الرحال2006]

اهاااااااات
صحت ابدانش وشكرا لش على العبور من هنا

الله لا يهينش ،،،

[الرحال2006]

بندر بن خضير
شرفتني يالغالي بتواجدك
الله لا يهينك يالسنافي

[الرحال2006]

محمد الغيثاني
شرفتني بمتابعتك الدائمه
واطرائك والثناء شرف ووسام لخوك

[*_نصيب الغير_*]

بعض السوالف زينها لو تنقبر وسط الصـدور
اخير والله من نتايج مـا تجيـب الاّ الخـراب



صــ‘ــح ـح لــسآنــكـ أخــووي الــرحــآ‘ل


قــصيــدهـ جمــيله وطيبــه ^-^

مآ قــصررت ولآ‘هنــت طآ‘ل عمــرركـ

مغـليــته ..,‘النـجلآ‘ ..,‘

[أوراق الخريف]

تهديني الوان الشقا وامـدّ لـك باقـة زهـور
ويا قلب كم عانيت وبسبابك تجرعـت العـذاب
منّيت نفسي قلـت يمكنّـك مـع مـر الشهـور
ترجع عن اوهامك ويهديـك ربـي للصـواب



صح لسانك اخوي الرحال على هذه الابيات الطيبه .

لك مني كل الود ,,,,,,,,,,,,,,,,,,,,,,,,,,,,,,,,,

[الرحال2006]

نصيب الغير
صح الله ابدانش وشكرا لمرورش هنا شرفتيني