بسم الله المعبود منشـي الغيـم .. رب العالميـن=القادر .. المتعلي .. الجبار ... ذو الاسما الحسان
ابدى بيـوت الشعـر منقيـات والمعنـى سميـن=واخلـي الهـزلات للهزليـن عشـاق الطـمـان
من بعد ذا لا يازمن ماهـوب مـن حقـك تهيـن=روس الرجال الطيبين اللـي لهـم قـدرٍ وشـان
النايفين .. اهـل العلـوم الطيبـات .. الغانميـن=المعتلين .. اللـي منازلهـم علـى روس البيـان
كسابة الطولات .. واهل الخيل .. حامين الزبيـن=اللـي لهـم فـي قمـة الامجـاد والعلْيَـا مكـان
تقسـى عليهـم يـا زمـن وتحدهـم للخايبيـن=وانت تْعَرف روس العرب ما هيب ترضى بالهوان
لا وحسافه خوّتك ( يالـلاش ) مقصـور اليديـن=غشتنـي الايـام فيـك وحدنـي جـور الزمـان
ياليت ربي ما قسم عرفك الا ( بئـس القريـن )=حبال وصلك ما علـي منهـا ولـو انهـا متـان
ما للردي مع حضرتي خوّه ( يا وجه المسلميـن )=انـا خـوي الطيبيـن اهـل المواقيـف السمـان
انا نصيتـك يـوم ربـي راد ثـم بـان الدفيـن=وانت انهزعت من العلوم الغانمه والصـدق بـان
قمت اتوجد للرجال اهل المواقف ويـن .. ويـن=حتى تعزوالي مـن العسريـن ذاك ( الغيهبـان )
النادر .. الطيب .. رفيع المنزله .. ذرب اليميـن=اللي وقف لي وقفة الوافيـن يـوم الوقـت شـان
عاد الوفا باقي .. وسلم الطيـب عنـد الطيبيـن=ما تنجب الارض الجبان الا انجبت عقبه حصـان
ترى التجـارب فايـده للجاهليـن ... الغافليـن=اللي خدعهم من كـلام الليـل معسـول اللسـان
وانا احمد الله ما خسرت الا ( حتاحيت السنيـن )=إلا كسبت المعرفه .. والطيب ,,, ويعقب الجبـان
نشرت بتاريخ 24-11-2005