ويـــن أنــــت ؟ ياللـــي غـــلاك القلــب مــدهالـــه .. !؟

[قصــــايــــد]

البارحه طـارى الذكـرى ومرسالـه=طيفٍ اجمـع شتاتـي لـه وبعثرّنـي
في غربـة الليـل والافكـار رحالـه=مدري ؟ وش اللي لمس جرحي وذكرّني
مع طيش الاحزان ضعت وحالتي حالـه=وآخاف حزني مـن أفراقـك يغيرّنـي
غنـا حزيـن الفـؤاد وجـر موالـه=والحزن خبـره وقـلّ الحـظ خابرنـي
أبطيـت أدور وصـالـك وأتحـرالـه=وأنته على الصد والهجران عاسرّنـي
وين أنت ؟ ياللي غلاك القلب مدهالـه=أصغّـر البعـد وسنيـنـي تكبـرّنـي
دورات الايــام عـقّـاده وحـلاّلـه=اسايـر الوقـت وأقـداره تسيـرّنـي
تصدق ؟ إن الظـروف أحيـان قتالـه=تختـار وصلـك وهجـرك ماتخيرّنـي
واللي طعن هالصميـم وزاد غربالـه=إنك مـع الوقـت ضـدي ماتعبرّنـي
وشلون ماجيت فـي بالـك ولا بالـه=ولافيكم اللي على الفرقـا مشاورّنـي
أحييت فيك الشعـور ورحـت تغتالـه=ياكبرهـا منـك وأنـا الله يصبـرّنـي
عـاد المقاديـر رجلـيّـه وخيـالـه=تكسـرك الايـام وشموخـي يجبرّنـي

لـ / سعد العازمي