السلام عليكم ورحمة الله وبركاته
أخواني الاعزاء
أحب أن أصافحكم بهذا الموضوع الذي يهمنّي ويهم كلّ شاعر ومتذوّق للشعر وهو موضوع
الشاعر الكبير المدرسه الكبرى ومصوّر الابداع الى طريقه الصحيح الذي جعلنى في حيره مع تفكيره
البليغ بالتصوير والخيال بالواقع وهو أحد وأبرز شعراء هذا الجيل وهو ( سعد بن جدلان الأكلبي )
هذا الشاعر الكبير الذي بنى مجد الابداع وتسيّد عليه وأحب انّ اقدم هذا الجزء الاول من قصائده
تعالوا معي الى هذا البحر الهائج بالابداع والصوّر الخياليه والواقعيّه كيف يمزجها الى ذائقتنا لنعجب به
=================:-
ويش أسوي ياعيون الوحش عنق الغزال = لاحصل طاريك يفتح على قلبي أرواق
لي ثلاث سنين بين الحقيقه والخيال = وأخر اشهر ذالسنّه تكمل الرابع غلاق
شبه وضحاّ فالمخاضير زاويها الحيال = من غلاها عند أهلها تبارى ماتساق
تيهّت من صغرها بين ثنتينٍ هجال = مهتويها راعيّ البل وعاشقها عشاق
عنديّ إنّك ماخذٍ تاج ربّات الجمال = سلموّك الحسن من باب صنعاء للعراق
=================:-
ياعيون مرقبٍ فعل الجداير = في صعانين الطوال المستديره
صاحبك يعطي على شوفك بشاير = ديرةٍ منتو بها ماهي بديره
من خذا منكم خفيّات السراير = والله انّ يبطي ولعكم في ضميره
لبةٍ بين المعنّق والزراير = مثل شمس الصبح قدّام السفيره
ويتفرشها من الخمري ستاير = ذيل شقراّ شعشعت قدم المغيره
جوهرة قارون غالية التجاير = أشهد انّك بهجة العمر الكبيره
واحدٍ حضّك مع حضّه يساير = شايفٍ القدر فالعشر الأخيره
جعل أبو من لامني حمر المناير = في محبّة واحدٍ مالي بغيره
=================:-
الا واعيون موحشِ مابعد لزم = عدا كلّ صقارٍ بشبكه ولا لزمه
على القلب نارٍ ولعّت في قرى حزم = وحطوّ عليها من دقاق الحطب حزمه
يقاويك بن جدلان فالصبر والعزم = لكن حبّك الصافي تغلّب على عزمه
تراني دخيلك ياوليفي من الهزم = تموت الغزو ولا يقولون منهزمه
===================:-
ياإليّ ليا جيت شيٍ تكمل أوصافه = وإلّي بلا أياك ماتهواه الأخلاقي
ترى صوابي لجا وابطيت بسعافه = يامنجّح الكيّ لاتلحق على الباقي
عامين والحال من فرقاك ملاّفه = لوف أشهب الال عشبٍ نبته أدقاقي
كمّ ليلةٍ من سببك العين ذرّافه = من غيبة الشمس لين الصبح ينساقي
ياعين حرٍ على العسرات مشرافه = عيطٍ لحاليحها تصعب على الراقي
والعنق عنق أدميّ عاود لميلافه = متذيّرٍ عقب ما أروّح ريح تفّاقي
مالك من الجسم غير المتن وأردافه = زاويه خصرٍ عليه الشبر متلاقي
لفيتني لفّ سيرٍ فوق حذاّفه = وصرفتني من هوى تلعات الأعناقي
فأدخل على امّك وأبوك من التزلافه = تبتنّي بالعذاب وتقطع أرزاقي
البرق لجا المشعّف زوّد أشعافه = وأنا مشعّف غرامك وأنت برّاقي
==================:-
شعاني حمامٍ فوق روس النوامي خلج = تغنّي على روس النعانيع منسجمه
الاحيه من فرقاك يابو خدودٍ بلج = عسى لايم الميلاف عقرود ابو نجمه
محبتك حطّة في محاني ضلوعي فلج = كما فلج سيلٍ الواديٍ ضكتّه عجمه
==================:-
ياصاحبي شوفتك عقب التشافيق = تحيي ضميرٍ دنا منه اليباسي
من لامني جعل تفجاه التفافيق = والكلّ منهم محقق ومتواسي
بقصيرات العدن روس الصناديق = عكف الأصابع رهيفات الكراسي
================:-
انا يوم اجيّ وأمركم ياوليفي حنج = ولا وديّ أقرابك تلدّ النظر فيّه
لعبّ بيّ غرامك فالخفا لعبة الشطرنج = ليا دار لعبه بين الأعضاء السياسيه
وسبح بي غرامك سبح موج البحر فاللنجّ = غفلت وغدابي حبّك شويّه ..شوّيه
لاشفت زولك قام يدخل أعظامي بنج = أسولف مع العالم وقلبي له نحيّه
===================:-
سبحان واليك ياليلٍ سرى برقه = أراقبه والعرب في نومها غرقا
ماصدّت من شوفك الاّ الهم والحرقه = بعض الملاقا تعوّضني به الفرقا
حبٍ مع حبّ غيري ماظهر فرقه = غديتّ كنّي شفيع وحبّه الزرقا
=============:-
كمّ مفرقٍ كلّ ماجيته تعديته = اشوف خطّه ولا أقراء ويش لوحاته
ياكود مفرق رقبة العطف لاجيته = يفرض عليّ الألتفاته والتنهّاته
فيّ حشمة الليّ مصافيني وصافيته = من خلقتي ماحدٍ سوّى بيّ سواته
مايسمح البال لين أقف على بيته = وأضرم له أضرامة الزيدي على قاته
=======================:-
انا الليّ همومي صايراتٍ عليّ كدر = لوّ انها تحوّل فوق غيري فقد عقله
لامنه اشتغل موضوعها داخل الصدر = تقلّ فايزٍ وسطه فريقٍ يصفقّ له
على الصاحب الليّ مانويناه بالغدر = شفوقٍ عليّ وانا ماغير أتشفقّ له
بنا بيت حبّه فالحشا واسس الجدر = وخلاّ معاليق الضماير تخافق له
=====================:-
ياكبديّ الليّ من الحرمان منهشمه = فيها من العام نجارٍ بشاكوشه
والليّ هشمها شفاتٍ دونها حشمه = أرهى على الليّ تبي نفسي ولا أنوشه
حجزٍ يرّد الرجاوي من ورى خشمه = وأنّ رده الحجز والاّ ضاع فالطوشه
عمّر بيوتٍ على بيبانها رشمه = وبطونها بأفخم الشيراز مفروشه
=================:-
مدري متى تقدرين المشيّ يارجلي = حتى لامنّي بغيت الازم أنهجله
أمرّ راع العيون النعّس النجلي = الليّ لذا الحين وجروحي منه وجله
هرجه كما السكر الليّ في لبن هجلي = لا روّحت من نبات المكر والرجله
مدامعٍ من بشاشتها تبلّجلي = أشفي لها من لأغاره والشفق لجله
ويضفيّ على لبةٍ كالوهرّ المجلي = شقرٍ تقل من حرير الهند ينسجله
=================:-
أنا وين أبلقى يالاجاويد فاعل خير = حريصٍ على سرّ المحبين لارسلته
أناّ لوّ أبصبر عام مابان بي تأثير = وهالحين حتّى الصبر يومين ما أحتلته
أنا مثل صقارٍ تولّع بحبّ الطير = ولف قلبه فروخ الصورايم وهبلته
تولعّت في فرخٍ قضيبٍ يتلّ السير = ابيّ نظرتٍ من لفتة الحرّ وسبلته
صغيرٍ بسنّه غير عندي ماهو بصغير = يامغلاه في قلبي وياكبر منزلته
أجمعله سمان الهرج خوفٍ من التقصير = والى جيت ابشرح له كلامي تهيزلته
يجيني منّه هيبه . معزه . سحى . تقدير = اقابله عندي علم وأروح ماقلته
اعتذر للأطاله وتقبلو تحياتي العطره
بن فيصل الوادعي
27-12-2007, 02:00 AM
العرض العادي
المواضيع المتشابهه
