ابـن عـتـل ٍ ولـيـس ابـن الـمـغـيـره .. ( راشـد العـتـل )

[راشد العتل]

مساكم الله بالخير جميع .!
اخر قصيده
اتمنى تنال رضاكم ..

ابقصد واتغنى وسط ديره=اهلها من عرب شبه الجزيره
واوسم شعري بجزل المعاني=الين يفوح طيبه مع عبيره
عشقته يارفيقي وان فقدته=كما من يفقد عيون ٍ بصيره
والا يامن نشد عني تراني=ابعطيك العلوم ابدون حيره
انا رجل ٍ سنافي واستمعلي=ابن عتل ٍ وليس ابن المغيره
انا عجمي على الشداة صابر=كما الصقار ينطر صيد طيره
انا ذيب ٍ حمى ربعه وداره=ولاهو ذيب يغدر في قصيره
انا من قوم والتاريخ يشهد=شهد بأنهم هل سيوف ٍ شطيره
انا ربعي امزبنة النشامه=من الغازين ونفوس ٍ حقيره
انا ربعي امضيفة الحشامي=مجالسهم لها بلأرض سيره
انا ربعي ليا صاح المنادي=نقوم وكل رجل ٍ في بعيره
نعشق الموت ماحنا نهابه=ولاحنا نذل امن الكسيره
بنا ارجال ٍ ليا جو فالملاقا=كما جبال ٍ رفيعات ٍ عسيره
بنا الرجال يوفي في كلامه=وبنا الرجال يملك خير جيره
بنا فارس تعرف الروم فعله=شجاع ٍ مايهاب امن الكسيره
ابن حثلين راكان الشجاعي=صقر ماذل من شمس الظهيره
اراضي تشهد النا لاغزينا=معارك لاحضرناها يسيره
سيوف ٍ حمرة ٍ من دم الأعدا=وجيش ٍ كنه امواج ٍ غزيره
سلاطين ٍ على كل المجالس=شياطين ٍ ليا جتنا ضريره
كبير القوم سلطان و سنافي=وصغير القوم ذيبٍ العشيره
ونعمين ٍ على كل القبايل=لهم تاريخ وافعال ٍ خطيره
وكل شاعر له الحق ايتفاخر=سوا ابعيشه غنيه او فقيره
ولي صاحب عزيز ٍ مانسيته=جزيل ٍ يملك افكار ٍ كثيره
قصيدي يالنشاما هو رفيقي=كفاني شره وجالي بخيره

وسلامتكم .!

[مسفر مبارك]

انا رجل ٍ سنافي واستمعلـي
ابن عتل ٍ وليس ابن المغيـره
انا عجمي على الشداة صابـر
كما الصقار ينطر صيد طيـره



والله وسبعيـــن الف نعــم بال سليمــان والعجمان جميــع وصــح لســانك يبــو محمــد على الجزلـه اللي ماهــي غريبه عليــك


تقبل تحياتـــي وتقديــري

[فـهـد]

انا ذيب ٍ حمـى ربعـه وداره
ولاهو ذيب يغدر في قصيـره
انا ربعـي امزبنـة النشامـه
من الغازين ونفوس ٍ حقيـره



كفوووو والله ونعم


صح لساااانك ترليووون وفالك المليون .. جزاله طيبه من شاعر طيب ..

[محمـد العجمي]

(3)

سجل اخوك وله عوده

[ناصر البرغش]

الله الله


كفو كفو يا ابن عتل


وبيض الله وجهك

على ذالقصيده الكايفه والجزله والبطرانه

صح الله لسانك ملاييين

سجل اعجابي

[راشد العتل]

المشاركة الأصلية كتبت بواسطة مسفر مبارك

انا رجل ٍ سنافي واستمعلـي
ابن عتل ٍ وليس ابن المغيـره
انا عجمي على الشداة صابـر
كما الصقار ينطر صيد طيـره



والله وسبعيـــن الف نعــم بال سليمــان والعجمان جميــع وصــح لســانك يبــو محمــد على الجزلـه اللي ماهــي غريبه عليــك


تقبل تحياتـــي وتقديــري

ماعليك زود طال عمرك وصح بدك
تسلم على مرورك يابومبارك

تحياتي لك

[محمد الغيثاني]

راشد جاك العقال ونعم بالعجمان ويستاهلون ومهكا قلت يقصر الحكي بهم
ونعم بالقبايل وكل فيه حق

[حمود بن فطيس]

صح السانك ياراشد وبيض الله وجه



تقبل تحيات مودعك



حمود بن فطيس

[مهرة النسيان]

صح لسانك ياراشد وقصيدة جززله ..

بانتظار جديدك ..

[راشد العتل]

المشاركة الأصلية كتبت بواسطة فـهـد

انا ذيب ٍ حمـى ربعـه وداره
ولاهو ذيب يغدر في قصيـره
انا ربعـي امزبنـة النشامـه
من الغازين ونفوس ٍ حقيـره



كفوووو والله ونعم


صح لساااانك ترليووون وفالك المليون .. جزاله طيبه من شاعر طيب ..

صح بدنك يالغلا وماعليك زوود
وتسلم على مرورك الكريم .!

تقديري