أأوااااهــــــ,,,,أأوااااهـــــ,,,,أأهوااااهـــ

[سالم محمد اليامي]

مساكم الله بالخير


اذكروا الله

وصلوا على محمد


والعنوا بليس

واعتذر عن فترة غيابي


بسـم الله الرحـمـن الرحـيـم
السلام عليكم ورحمة الله وبركاته

تعال مابااقـي مـن العمـر حاجـه=تعـال دام انـك وصلـت وتعنـيـت
اقلط تربـع وسـط سـدري وناجـه=وابشر ترى قلبـي علـى ماتمنيـت
يلعـن ابـو مـن لا يعـدك خراجـه=ومن لا يصونك من عيون الهلافيـت
ياللي غرامك وسط سـدري رواجـه=وعلى خفوق صار لك 1000 مانشيت
الصـد والهجـران اكبـر سمـاجـه=والقرب يجمع خاطر الحـي بالميـت
يقوله اللـي صـار فيـه ارتجاجـه=ويجاذب الونـات خلـف التناهيـت
ومجنون حبـك لـو تكـدر مزاجـه=فل القصايـد فـل شاعـر عفاريـت
لبيـه يـأم الدلعـنـه والغنـاجـه=لبيـه لـك لبـى يالبـى يالبـيـت
يانبـض قلبـي ياهـواه وعـلاجـه=لـد النظـر للـي عروقـه مفاليـت
مـدري مـع الايـام عـاد نتواجـه=ولا علـى ماقيـل بالخيـر مسيـت
ولا انـت فينـي مندمـج اندماجـه=الى الابد ياطيـب الذكـر والصيـت
أأواه يـادمـعٍ يـزيـد انـدراجــه=واواااه ياجـو الحـزن والتشاتيـت
وااواه ياقـلـبٍ يـزيـد انبـلاجـه=على غياب اللـي حروفـه مناحيـت
اقسم برب اللي عـرج بـه عراجـه=في غيبتـه مانـي بحـيٍ ولا ميـت
امشي على كيفـه وكيـف انتهاجـه=مافيـه يـومٍ اصـدر امـره وعيـت
وين انت يانـور الشعـر ياسراجـه=ماني مصـدق انـك اصـلاً تخليـت
اللي غرامه عشـق ماهـو هماجـه=غرام يجمعنـا بعيشـه وفـي بيـت
ابغـى ولدهـا بالـقـا والمـواجـه=لاصاح يجمع له قبايـل لهـا صيـت
تاقف معه في يـوم زايـد عجاجـه=لا قال ابو محمـد ونـادى وناديـت
عريب خـال وفـي خوالـه نهاجـه=وقرمٍ مثـل عمـه وياليـت ياليـت
يابنت ابا اسأل كيـف عـاد نتواجـه=الله يجمـعـنـا وذا ماتـمـنـيـت
واخر بيـوت القلـب قبـل انفلاجـه=غنيت بيت اهل الوفـا يـوم غنيـت
ان كان حبي صـار فيـه انعواجـه=قولي عسى راسـي تهفـه دناميـت

وســـلامـــتـــكـــم

ســالـــم الــيــامــي

[مهرة النسيان]

صح لسانك اخوي ..

ابيات متميزة ..

وان شاء الله راسك سالم

[راكان المحفوظي]

صح لسانك وبيض الله وجهك على القصيده الجزله

[~ورد~]

صح لسانك

[الملكة]

صح لسانك..سالم اليامي.. قصيدة جميلة ووافية..

[mksom11]

صح السانك وقصيده جزله وتحياتي لك أخوي سالم .

[ابراهيم آل ربوع]

الله عليك ياسالم ..
صح الله لسانك مليااااااااااار في ملياااااااااار

مبدع ومبدع ومبدع وين ماجيت
حضورك مميز وابداعك غزير .. لاهنت وبيض الله وجهك
اخيك ابراهيم

[عـسـاه خـيـر]

سالم بن محمد
صح السانك ولاهنت على هذا النص الرائع.

[سالم محمد اليامي]

المشاركة الأصلية كتبت بواسطة مهرة النسيان

صح لسانك اخوي ..

ابيات متميزة ..

وان شاء الله راسك سالم

مهرة النسيان


صح بدنش

ولاهنتي

وعسى راسش يسلم

كل الشكر لش


اخوش



س ا ل م

[بندر العجمي]

صح السانك



ولاهنت على الجزاله


ودام حضورك


اخوووووووووووكـ