ياأميرنا حن للوطن سيف بتار لــ شاعر عبدالعزيز أبو جحوم .

[بنت ابيها]

" بسم الله الرحمن الرحيم "
السلام عليكم ورحمة الله وبركاته...

قصيدة شاملة ووافية بكل المشاعر اتجاه اغلى وطن كتبها الشاعر عبد العزيز ابو جحوم بهذا الاسلوب والطريقة الرائعة التي اثبتت حب اهل الكويت لها.. ولقيادتها الرشيدة..



شعر عبد العزيز مبارك أبو جحوم العجمي

ياأميرنا حن للوطن سيف بتار=ولعزته غالي العمار أرخصنا
عزه لنا عز وذله لنا عار=ويفداك حتى عيالنا ياوطنا
والا دعانا نقول لبيك يادار=لبيك يا حضن حنون حضنا
لبيك يادار الوفا دار الأحرار=يا دارنا منش الجمايل كسنا
تحت القيادة نمشي كبار وصغار=ياشيخ حنا بمركم مانتونا
نمشي بثقه في ضل وافين الأشبار=بأمر الصباح الكايدات سهلنا
شعب وحكومة والتكاتف لنا شعار=والى هقا في ضعفنا خاب ظنا
بتاريخكم يشهد لكل كل من سار=ومراجع التاريخ له يشهدنا
مواقف تشهد لها كل الاقطار=مواقف ياأميرنا نومسنا
ما نقبل الخاين ولا مشوش افكار=ومناهج الإرهاب ما يرهبنا
اللي يغذون الفتن سر وجهار=واللي على ارضه ودينه تجنا
مريض عقل ويحسب الناس كفار=له مذهب توه جديد يسنا
أسس على التدمير والقتل والنار=مجرم ويرجي من ورا الجرم جنا
يشيب راس الطفل لأسمع الاخبار=عن زمرة منا ولا هيب منا
العقل يفكر في هدفها ويحتار=وتبريرهم لفعالهم ما قنعنا
في حبها ما نطاوع النذل لآبار=اللي نكرها بالجميل وطعنا
حنا لها درع لا صار ما صار=ورواحنا لترابها ما غلنا
وحنا ندوس الروس ونبيع الاعمار=لادق طبل الحرب والبين غنا
افعالنا تذكر مع كل مرار=ومن لم يشوف افعالنا سمع عنا
هي ذخرنا لاعودة صوب الادخار=دخيلها يلقى بها ما تمنا
غنت له الورقة على غصون الأشجار=وراعي البداوه في غلاها تغنا
وغنالها البحار في غب الأبحار=والكل بدع في غلاها بفنا
لو كثروا فيها هل الشعر الاشعار=ابياتهم في وصفها ما وفنا
وصلاة ربي عد همال الأمطار=على نبي شرف الله مقنا

[عـسـاه خـيـر]

قصيده رائعه صح الله السانه ولسانك اختي بنت ابيها وشكرا لك على النقل الرائع

[مسعطر]

صح لسان عبدالعزيز ابوجحوم وصح نقلش أختي بنت أبيها
و تستاهل الكويت القصيدة و قليل في حقها.. لاهنت على
النقل الجميل.. تقبلي مروري و تحياتي..

[بنت ابيها]

صــح بدنــك أخــي:
عســاه خيـــر
واشكــرك على مـــرورك الطـــيب ...

[بنت ابيها]

ولا انــت اخـــي:
مسعطـــر
والله يعطيك العافيــة على مرورك وردك الطــــيب ...

[محمد الغيثاني]

لاهنت على القصيده الجزله
رغم ان الوطن لا يمكن وصفه

[بنت ابيها]

ولا انـــت خـــي:
محمد الغيثاني
واشكــرك على مـــرورك الطـــيب ...

[راعيــة الذوووود]

حنا لهـا درع لا صـار مـا صـار
ورواحنـا لترابـهـا مــا غلـنـا
وحنا ندوس الروس ونبيـع الاعمـار
لادق طبـل الحـرب والبيـن غنـا


هالله هالله
صح الله لسان الشاعر : عبدالعزيز ابو جحوم

ولاهنتي اختي بنت ابيها على هالنقل الرائع
تسلم يدش ,,,,,