من يدور ستر حاله يستتر لو هو بعود ... ومن يرقع في هدومه طول عمره ماعري

[البرق اليماني]

اسعد الله قلوب عفيفه ..=
قرأت حروفي ..=
فاسقاها المطر ..=
وأنارت لها البروق ..=
واستنشقت نسيم السهول الماطره ..=
= = =
= = =
أرعدي في الكون كله يا عظيمات الرعــــود = وانصري المظلوم بأمره وأخزي اللّي مفـتِري
وأرسلي ألحكمه تغرد في لطايف كل نــــود = هـزي أيـة غـصــن راقـد يابـسٍ و الاّ طـرِي
بلغي الدنيا وهلها واحضري ضمن الشهــــود = سمعي من هو درى بك وسمعي اللي مــا دري
من يدور ستـر حاله يستــتر لـو هـو بـعـــــود = ومـن يرقـع في هـدومـه طول عمره ما عِـري
والــدوى للـي تـداوى كـل يــومٍ فـيــــــه زود = ومن تهاون في جروحه عمر جرحه ما بِـري
والسعاده والشقاوه تختلف في ذا الوجـــــود = في زُحل تلقى النحوس وللسعود الـمشتـرِي
وكل حي وله ولـيف وكل رجل ولـه زنــــــود = خـذ ولـيـفك من ضميرك ومـد كفك للبِـري
البـخيت ايات صــادق وافـيٍ عـنـد العهــــود = زاهـدٍ في حـق غـيـره ومـن قـنـاعـاتـه ثرِي
إن بقى يثنى علـيه وان رحـل ليـتـه يعــــود = فـيـه راحـة مـن يـعرفه ما على شخصٍ زِري
مثل مزن الخير يقبل كل ما يقــبل يـجــــود = يرقـبـه راعــي الحلال ومن زروعه عنثـري
كل جـيـفـه للـضـبـاع وكـل صـــيــدٍ للأســود = زادهـا ما هـي تـذوقـه غير من بعد الجـري
والنـخـيـل أشـجـار وحده في سعفها والعمود = بس شف ذوق الخلاص غير عن ذوق الـسري
كــم كــريــمٍ دون سِــره بـانـيٍ عــدة سـدود = وكـم بخـيـلٍ حرف سِره كل شخصٍ له قــري
ومـن تـنــكـر لابن عـــمــه لا تعده فيك زود = من يـبـيـع عروق دمـه بك يـبـيـع ويشتـري
والبلاد اللي تضـيـمـك أو بـها تلقى جـحـود = شِدّ مـنـها وأبـط عـنها لين جرحك يبـتري
في بــلاد الله طــريــق وفــي هـبـايبها برود = خايل البرق البعيد وخـل لك قـلــبٍ جــري
واطلب الله في طريقك واطلبه وقت السجود = وإن عطاك الله قوه فـالـحـذر لا تـفـتـري
عش بصدقٍ في حياتك ولمعار يــفـــــك ودود = والدروب اللي لخيـرٍ أمـشـهـا لا تـحـتـري
كم لقيت من الحمام وكم لقيت من الـقرود = وكم بلـونـي بعـض ناسـي تهـمةٍ وآنا بري
بس صابر وآتصبر لين يفرجـهـــا الــــــودود = كيف ما تاتي الـمواجع ما أعود القهقري
من نـثـر شــوك بـطـريـقي بنثر بدربه ورود = مـا يـغـيـر طـيـب فعلي من لطيبي يـزدري
وكـل مـا زادت هـمـومــي ليل والعالم رقــود = سرت لشعابٍ مطيره وأدعي الله يستـري

[محمد الغيثاني]

ابدعة بهذه الرائعه صح الله السانك يالبرق اليماني

لاهنت وفي انتظار جديدك بلهفه للبروق

[فريج المرر]

البخيت ايات صـادق وافـيٍ عنـد العهـود=زاهدٍ في حق غيـره ومـن قناعاتـه ثـرِي
إن بقى يثنى عليه وان رحـل ليتـه يعـود=فيه راحة من يعرفه ما علـى شخـصٍ زِري

صح السااااانك .,.

[الفرس]

صح لسانك يالبرق اليماني ..


ابداع بجد ابداع .. وان دل .. فعلى خفايا صادقه عن طيب اصل قائلها ...


تقبل اعجابي بالابيات ..

[عبدالله بن فهد]

صح لسانك

ياالبرق اليماني

وبيض الله وجهك

[البرق اليماني]

محمد الغيثاني ..

اطلاله رائعه ومرور اسعدني ..

اقدر ذلك لشخصك الكريم ..

تقبل شكر وتقديري ..

وفقك الله ورعاك ..

[البرق اليماني]

فريج المرر ..

مرور أعتز به ..

واطلاله زاهيه ..

وحضور اسعدني كثيراً ..

كل الشكر والتقدير لمرورك من هذه الديار ..

وفقك الله ورعاك ..

[البرق اليماني]

الفرس ..

مرور كريم لأحدى الأصايل ..

لك أجزل الشكر وأصدقه ..

كلمات معبره لها صداها عندي ..

وفقك الله ورعاك ..

[البرق اليماني]

عبدالله بن فهد ..

ياهلا يابو فهد ..

وجهك ابيض ..

ولاهنت ..

اسعدني مرورك إلى حدود بعيده ..

لك كل الشكر والتقدير ..

وفقك الله ورعاك ..

[الشيخه]

لاهنت اخى الكريم

صح اللسانك عليها ابيات رائعه صغتها بكل المعانى الرائعه

بانتظار ماهو جديد لك

تقبل منى خالص التحيه

الــــــشــــــيــــــخه