الشعر الحــزين

[عزوتك]

	القصائد ما اعرف أصحابهأ واتمنى من يعرف يفيدنأ في رده يقووول طول غيــــــــــــابك طول غيــــــــابك ماعرفنا خفاياك نوب تروح ونوب ترجع تبينا الهــــاجس الي هزني يوم فرقاك ماهز قلبك يوم حنا أنتيهينــــا عذبتني يا قاسـي القــلب ويــــاك حبك شقـــايه والجفاء مبـتلينا وش فايده قلـب يحبك ويهـــواك لا صار قلبـــك قاســي ما يليــنا يا ماسهرت الليل مع طيف ذكراك احس في طيفك يروح ويجينا ارسم خيالك فوق طلت محــياك شمس الصباح الي علينا تبيـنا اشفق على قربك وشوفك ولقياك واذكرك مكانك يوم حنا التقينا حتى مكانك كاتبن فيه ذكراك يــا ما ضحكنا فيه ويــا ما بكينــا واليوم راجع تعترف في خطاياك ليه الهجر مــدام حـنا وفيــنا ضاعت حياتي بين صدك ورجواك وضاعت حياتك يوم راحت علينا مثل الغريق الي على حوض الادراك حنا غرقنا بالهوى مانجينا هذي سواتك من يسوي سواياك يا خاين العشره ترانا سلـــينا خلاص هانت كلها ايام وانساك حـب جــديد غيــر حبك لقينـــا مات الخفوق الي يهوجس بطرياك مرحوم يا حبن توفى حزينا راعي الشقـــــــــــــــاء قالت علامك سارح وسط الاوهام انسى وربك ما يخلي عبيده الهم يا راعي الشقاء عمره ايام وتبداء حياتك يا حبيبي جديده قلت الشقى ياللي تلومين من ظام حظي وقسمي من حياه زهيده الهم ياراعي الوفاء حطم حلام حلم الفقير اللي تحطم يعيده يبني خياله قصر عالي من اواهم وتحطم احزانه قصور عديده والي بقى يا بنت جلد وعظام هذي حياتي عشتها بالنكيده قد لي على هالحال من عده اعوام والله يعين الي حياته عنيده الجفــــــــــــــاء ياللي تشب الجفاء ماجناي يكفيني ما جاء كفى يا معشمني على اوهامي تعال شوف السهر وشولن معميني نامت عيون السهر والجفن مانامي بردك حرقني وناري ما تطفيني تلوذ بي صرختي بضلوعن حطامي صبرت والياس في صبري يواسيني مشيت حتى تلاشت جرة اقدامي ما غبت من رحت عني يا مشقيني طيفك هو اللي بقى يا عثره احلامي اجفاك فيني والا من حرت جافيني اجيك والشوق اطارح جامع هيامي اقتل ظلام الخفوق اللي كسى عظامي بنسى التعب والهموم اللي تضحيني دخيل من كملك لا تجرح صيامي لا تعتذر والخطأ ماعاد يعنيني انا اللي غلطان وهذي بصمه ابهامي بس انت خلك قريب ولا تخليني ارجع وعوض بقايا اعوامي سمي ما بين الثنايا والبيض وادعيني بسمي وبنفي بعدها كل الاسامي حبك شربني حنين وطيرك فيني حبك ملك خافقي يا حبي السامي لا تستشك بغلاك ولا توصيني يكفيني لامن نسيتك صرت قدامي هزني ذاك الوداع ودعت واستغفر الله هزني ذاك الوداع هز بضلوعي بقايا ولا هقيت يهزني ليتها مارافقتني وقصرت درب الضياع وخلت الحسره تروح وبالعذاب تحطني ما قدرت اقنع خفوقي ولو قدرته كان طاع عيت الدنياء تطاوع وبالحضوض تردني ليت قلب ما تولع في هوى زين الطباع ما خذا فكري وبالي وبالمحبه شدني شد فكري في جماله يوم ناظر ثم ضاع نظرة حست مشاعر بالموده تعتني واعذاب القلب منها يوم جرت بالاوجاع ليت يوم انه بلاني بالمحبه حبني للبحر كبوه لمن هو قد تهاون بالشراع يدفعه موج المحبه مثل ما هو دفني دارت الدنياء وجاتني بالحزن دون المتاع دمعه سالت جريحه وللجروح تحدني علمتني حبــــــــــك يا زين لا تطري علينا بفرقاك ارجوك قلبي يالغضي لا تصيبه ارجوك يالغالي تراني برجواك شخص ملكته كيف ترضى تسيبه علمتني حبك وعايشت ذكراك وحفظت سرك عن كلام يعيبه ويا ما تحملت الغرابيل وياك ويا ما من اسبابك جروحي عطيبه ويا ما سهرت وهلت العين لرضاك ومشيت في دربك ولو هي صعيبه ولجلك نثر دمعي على كف يمناك ولجلك كتبت احلى البيوت العجيبه واليوم بانت في عيوني خفاياك خنت العهد يم العيون الغريبه خلاص هانت كلها وايام وانساك حب يذل النفس وذ عاد ابي به أرجوك تنساني الله يرضى عليك ارجوك تنساني اللي حصلي من اسبابك يكفيني ما احب اكرر خطاي اليوم من ثاني غلطه بخطوات عمري واول سنيني انا نسيتك ورب البيت نساني ما عاد به شي ما بينك وما بيني ادري زمانك غدربك جيت لي عاني ليتك تذكرت جرحي يومك تجيني ليتك تذكرت ماضي لي من احزاني اقدم الورد لك والشوك بيديني كنت ارسمك حلم عمري وانت بلساني قد بخيالي وقلبي كل ما فيني كنت اتصور معاك يضيع حرماني اعطيك انا كل هالدنياء وتعطيني كنت اتنفس واحس انك بوجداني تصدق احساسي انك كنت تكويني وش ذكرك عقب هذا اليوم عنواني ابسئلك ويش هو الي ذكرك فيني ارجوك ابعد علشانك ومن شاني ترى الذي صار لا يمكن ينسيني خـــــــــــــلاص لا ترجع خلاص لا ترجع ترانا سلينا ما كنت اصدق يوم اني أبنساك في بعدكم يا ما عليكم بكينا واليوم ما تطري على البال طرياك وانا ادري انك رغم صدك تبينا لاشك ناس ضدنا تقصر خطاك من سكره الحب الصناعي صحينا حتى المجالس عفتها خوف ذكراك خل اللذي غير حنانك علينا يعطيك من قلبه ربع ماعطيناك بأحلام ليلك لو خيالك يجينا قضيت لليل في دفن ذكراك وش عاد لو صار السلام بيدينا قلبي وقلبك بينها دارت افلاك ودعت ماضي حبنا وانتيهنا وقلباَ نسيته اليوم لابد ينساك ذكراك يا غدار هانت علينا حتى دموع العين فرحت بفرقاك حب جديد غير حبك لقينا حديتني جعل اليلي تحداك منتب على خبري ماهوب قول الناس شوفة عيوني مثلت لي دور المحبين تمثيل رح كمل المشوار هالحين دوني دامه حصل بالوضع يازين تبديل في عزتي للنفس هجرك يهوني ماقلت يوم اقفيت مااطولك ياليل مابيك دام الغير بك شاركوني شكيت جرح من سواياك لسهيل لاشك نجم سهيل زود شجوني مليت أنا ماعاد ابي منك تعليل خلك مع اللي في هواك حسدوني مما جرى مما جرى ياصاحبي لا تكدر حزني طبيعه ماتعودت الافراح الصبر ينفذ والغرابيل تكثر صار الأمل للياس والهم مفتاح أبكي شبابي واشتكي واتذكر وقتٍ مضى ليته توقّف ولا راح أبكي شره وابكي ندم واتعبّر من حر مابي ليت من مات وارتاح طبع الوفا ياناس فينا تغيّر حتى الوفا مسكين من غدرنا طاح الله معك مابيك منّي تعذّر يكفين عنك سهيل والطير لاناح يمك حداني الشوق ماني مخيّر واللي حداه الشوق معذور لو صاح أبكي هوانا أبكي هوانا كل ماناح قمري واذكرك لاضاقت على نفسي الدار وانت بجروحي ياهوى البال تدري ياشايلٍ قلبي على كف الأقدار حفرت في ذكراك همٍ بصدري لولا الأمل والخوف بيّحت الأسرار سفينتي في بحر الاحزان تجري يازين في عهدٍ مضى صرت غدار مهما يطول الليل باتلاه فجري لابد من صبحٍ عقب ليل الاكدار حبك طوى ياغاية النفس عمري متى بشمسك ينجلي ليل الاقدار العزا والتهاني أنا تقبلت العزا بك من العام كن العزا في موت حبّك تهاني ياما سهرت الليل لاغبت ماأنام ترقد وانا ازرع في رجاك الأماني واثر السعاده في رجا حبك أوهام لا طاب جرحٍ صابني منك ثاني جارت على قلبٍ شقى فيك الأيام أشكيك للي في غلاك ابتلاني سهرت عليك عيون ماظن تنلام ذاك أمس .. والا اليوم .. ماجا كفاني افرح بطيشك .. والغرابيل قدّام ياطاك من وقتك مثل ماوطاني تذكرتك تذكرتك وقلبي مسرف الخطوه يبي فرقاك وفي نفسي بقايا من جروح العام مدفونه تذكرتك وفي عيني مواري حزن من ذكراك تلفت يمك الخافق وجاك خطاه مجنونه وجيتك ثاير العبره .. أحبك من يقول أنساك غيابك نار .. من يقوى يشيل النار بعيونه هلا بايامك السودا .. هلا بالحزن في دنياك رضى قلبي بتعذيبك أبد مايطلب العونه متى تفرح بك ايامي متى وشلون كيف القاك متى هالليل في شمسك يذوب ويختلف لونه تعبت من التعب وينك تعال ومد لي يمناك حياتي لا خلت من شوفتك ماهيب مضمونه داويت بالنسيان داويت بالنسيان قلبٍ جرحتيه دفنت أنا حبك .. وتبقى حياتك ياللي قتلتي حبنا مارحمتيه انتي تحسبين الهوى حب ذاتك ياللي سمعتي بالهوا ماعرفتيه أنتي تبين الحب درب لغناتك نسيت حبك ضاع كل الرجى فيه يكفيك عن حبٍ مضى ذكرياتك درب النهايه باختيارك مشيتيه لاتذرفين الدمع هذي سواتك عهد الهوى اللي بيننا ماحفظتيه رماك في بحر الضياع التفاتك باقي بقايا حبنا اللي رفضتيه ترى المحبه ماتوافق صفاتك مليت أنا مشوار حبٍ رسمتيه قلبي يعيش افراح ذكرى وفاتك راجع راجع تبي قلبي عقب ماتندمت راجع تبي قلبي على خبرك العام العام أنادي ياهوى البال وين انت واليوم حبك ينتظر حكم الاعدام على الجفا من طول صبري تعلمت والجرح في قلبي تداويه الايام خلك بدربك لو مشيت وتعثرت مسكين .. ياباني قصورك بالاحلام مجبور أبيعك لو بكيت وتأثرت وش حيلتي حظي تردى ولا قام ماعاد لي بالحب مثلك تغيرت يازين حبك ينتظر حكم الاعدام قضى العمر قضى العمر ياظالم وأنا اقول عنك اقفيت وإلا شفت زولك بالصدف هلت أعياني مشى القلب في ظلك يباريك لو صديت ولو عفت حبك يوم .. ماعفته الثاني أنا ماقويت أنسى حنانك ولا ظنيت سألتك بربك .. وش كلفك نسياني وأنا اشوف زلاتك بعيني إلا زليت وش اللي يفيد الشوف والقلب عمياني أخذت العزا مني ولا قلب لي خليت وأنا من هواك اليوم حبيت حرماني عطيتك حياتي ياقمرها ولا رديت أبي منك لو نظره ترا هجرك أشقاني أبي قلبك القاسي وراضي بماسويت تعاتب وتجرحني وتامر وتنهاني لك الحب مشاني أنا في هواك بليت أحبك ولو صديت ياكل خـــــلاني ولا يسعني ألا شكر الاخ فهمد المنصور من منتديات الشاعر عبدالله عبيان اليامي

[الخديدي]

مشكور اخوي
وصح الله لسان شاعرها...

[عزوتك]

المشاركة الأصلية كتبت بواسطة الخديدي

مشكور اخوي
وصح الله لسان شاعرها...

	مرحبأ والله والشكر مردود من زار وقدم تحياته هلا مليون

[عاشق العليا]

صح اللسان شاعرها

وتسلم يد ناقلها

[عزوتك]

المشاركة الأصلية كتبت بواسطة عاشق العليا

صح اللسان شاعرها

وتسلم يد ناقلها

	يسلم راسك وكل الشكر والتقدير في الزياره

[سعيّد ابوجعشه]

صح اللسان شاعرها

وتسلم يد ناقلها

[عزوتك]

المشاركة الأصلية كتبت بواسطة سعيد ابوجعشه

صح اللسان شاعرها

وتسلم يد ناقلها

	كل التقدير علىالمرور وكل الشكر

[الجوـوـوـوـري]

صح الساانك..

[عزوتك]

	المشاركة الأصلية كتبت بواسطة الجوـوـوـوـري صح الساانك.. كل الشكر والتقدير في الزياره والرد