ون أبن جـدلان مـن لايـعٍ لاعـه

[ابن وعيل]

ون أبن جـدلان مـن لايـعٍ لاعـه = كن فـي كبـدي دوافيـر صناعـي
ألعـب المنكـوس وأحـب روباعـه = مملٍ في الوقـت والوقـت خداعـي
مادريت أن ضحكة الوقـت خداعـه = شفت مدخالـي ولاشفـت مطلاعـي
لابغيت أسـج والا انبصـط ساعـه = دق قلبي من وراء حدب الأضلاعـي
كم من بين الضلـوع آلـة طباعـة = تشتغـل لانمـت وأقـوم مرتاعـي
هـم قلبـي مايـفـرق تجمَـاعـه = غير جر الصوت والنـاس هجاعـي
فاقدٍ لـي سلعـةٍ وأكبـر أبضاعـه = سلعـةٍ تشـراء ولاهيـب تنباعـي
رفقـة الطيـب ليـا غيـر أطباعـه = أشهد أنهـا كيـةٍ توجـع أوجاعـي
راكب إلي صممه صاحـب أصناعـه = جمس بيك أب من حديثات الأنواعي
الغريب الـي جديـدٍ مـن أنواعـه = حوض رفرف مايبي شد وشراعـي
لا أنس البنزيـن عجـلٍ تفرقاعـه = مخطرٍ من سرعتـه يقلـع أقلاعـي
لاتحرك شفت في القـاع مشلاعـه = والتواير تظهر الماء مـن القاعـي
ينعش القلـب الحزيـن أبتهملاعـه = لامشـا قـام يتهملـع تهمـلاعـي
لاوطى الأرض العتش كن تهزَاعـه = بنت شيخٍ طامحٍ مـن ولـد راعـي
في رجاء الغايـب تحَـرا لمرجاعـه = تنقـد العشـاق وتطـق الأصباعـي
نفسها من جملة النـاس منصاعـه = ماتبـي إلا واحـدٍ ذكـره أيشاعـي
ينحر اللي يأخـذ الطيـب بذراعـه = الصديق الصافي الصامـل الواعـي
الوفاء والطيـب ساسـه ومنباعـه = يوم بعض الطيب تقليـد وصناعـي
لاوصلتوا فأخبروني عـن أوضاعـه = وأخبروا راعي السمارا عن أوضاعي
أنشدو ويـش السبايـب بمهزاعـه = لاعلـي ناقـص ولا أبيـه فزَاعـي
ودَنـا نرضيـه ونحـاول أقنـاعـه = كان بن مهمل بعـد يسمـع الداعـي
كـان يبغـا حـق للحـق قطَـاعـه = نقعـة والحـق ماعنـه مجـزاعـي
وكان مبغضٍ في الرياجيـل بتَاعـه = لايجـي ناقـد ويلحقنـي أريـاعـي
لصَديـق نخلَـي النفـس خضَاعـه = مانـوريـه الجـفـا والتمطَـاعـي
الصداقـة عندنـا ذخـر وطماعـه = صحبـةٍ ماهيـب صحبـة تمتاعـي
حـد جدتهـا علـى البـرق لماعـه = وإن خذت يومين مفعولهـا ضاعـي
فإن تليمنـا علـى العـز والطاعـه = وأن تفرقنـا فجـوج الله أوساعـي
ما أطرد المقفي ليا صفـط أشراعـه = مخبـل اللـي للمقفـيـن تبَـاعـي
من يحط أذنـه علـى كـل سماعـه = جـاه فرقـاً مابعـدهـا تجمَـاعـي
والزباد أختـام هرجـي ومطلاعـه = يدفعه من ريحـة المسـك ذعذاعـي

[ابومحمد الشامري]

لا هنت يا ابن وعيل انشهد انها من اروع قصائد ابو محمد سعد الاكلبي صح لسانك يا ابوعبدالله على النقل الرائع

[أبو محمد]

لاهنت يا ابن وعيل وصح لسانك ولسان الشاعر

[ابن وعيل]

هلا وغلا

ابوحمد

ابومحمد

لاهنتوا على مروركم وتواصلكم الدائم

[الخديدي]

مشكور اخوي ابن وعيل
وصح لسان بن جادل

[(عـ ـديـ ـل الـ ـروحـ ـ)]

ابن وعيل


الله لايهنكـ علي النقل الجميل وسلمت يمينكـ

تحيااااااااتي

[@زايد بن ألغز@]

بيض الله وجهك يا بن وعيل على النقل

وصح الله لسانك ولسان بن جدلان

وياليت أذا تقدر تجيبها لنا بالصوت

تقبل تحياتي

[سعيّد ابوجعشه]

لا هنت يا ابن وعيل وصح لسان ابو محمد سعد الاكلبي وتسلم يمناك يا ابوعبدالله على النقل الرائع

[بـدرٍ الشـآ‘مـرٍي]

لـآ‘ هـنت يـآ‘بـن وٍٍعـيـ،ـل , وٍصـح لسـآ‘نـكـ، وٍلسـآ‘ن شـآعرٍهـآ , وٍعـز ـآللـه ـأنهـآ قصـيدة جـزٍلـه وٍجميـلة جدـآً .,.
تقبـل مرٍوٍرٍي : درٍـآ‘مـ‘ـي بكـ‘ـيفـ‘ـيـ ..

[محمد الشامري]

من اروع ماقيل في الشعر مهوب بس من روائع ابن جدلان

صح الله لسانه ملايين وسلمت يمناك يابن وعيل

ولاهنت على نقل الرائعه يالرائع