ياوجي وجد اللي توجع بعوجاه..في جيرة الأيام جت له عواجه

[أبومحمدالضاعني]

ياوجدي وجد اللي توجع بعوجاه..

في جيرة الأيام جت له عواجه..

تجمعت صوبه جماعات تزجاه..

وتزج به في وسط عنق الزجاجه..

جرت خفوقه جر والموت ماجاه..

قام ايتجرجر له ويرجي دراجه..

في وسط جمعٍ يجمع الجل والجاه..

جاهٍ يعج في داخله كل حاجه..

تجمعت وأستجمعت في مناجاه..

تعنجهت في جمهره وفي رجاجه..

تسرجت وأستسرجت فوق عرجاه..

وأطفت رجا نورٍ يجي من سراجه..

جاه التجمع والتراجع لمنجاه..

كن جمعها بالجن وجنون خاجه..

له رجةٍ في لجةٍ تدرج أرجاه..

يرجي رجا وتكون هي من فراجه..

الجن ياخاجه جلب كبر نعجاه..

في سوق جاور جاري النار هاجه..

فيها الجهامه جاهزه تشوي ماجاه..

نار الجهامه جاعله الجو صاجه..

هاذي رجاوي جاثمٍ جا بعنجاه..

ولا عرف للعنجها في مزاجه..

جاب الجواب اللي جعل فيه مرجاه..

يرجي جميع الناس ويرجف حجاجه..

ياليت تجبر ياجرير خاطرٍ جاه..

يجمع تجاريب ورجا في خراجه..

[بندر العجمي]

صح الله لسانك



جززززززلة من جزززل



والله لايشينك



ووجهك ابيض




اخووووووووووووووووووكــ

[أبومحمدالضاعني]

صح بدنك يابندر ولاهنت على مرورك

[سالم ال مخلص]

صح لسااانك


ويعطيك العافيه

[@زايد بن ألغز@]

صح الله لسانك وبيض الله وجهك يا أبو محمد

تقبل تحياتي

@زايد الغزي@

[سعود الخويطري]

صح الله لسانك يابومحمد



سلمت وسلمت يمناك



وقصيدة جميلة وحضورك أجمل



تقبل سلامي واشواقي

[أبومحمدالضاعني]

صح بدنك ياسالم آل مخلص
ومشكور على المرور

[أبومحمدالضاعني]

صح بدنك يازايد الغزي وبيض الله وجهك أنت يالسنافي

[أبومحمدالضاعني]

تسلم ياسعود وصح بدنك ومشكور على المرور

[المري1]

صح لسانك

وبيض الله وجهك على القصيد الزينة مثل راعيها