حنــا العرب

[انفاس الورد]

حنــا العرب

للشاعر خالد الفيصل

حنا العرب يــــا مدعين العروبة

وحنا هل التوحيد وانتم له أجنـــاب

وحنـــا شروق المجد وانتم غروبه

وحنا هل التاريخ وأنتم به أغــراب

يوم الفقر شلتوا علينا عيوبـــــه

واليوم عقب النفط جيتوا لنا أنسـاب

ويوم الفقر فينــــا البداوة سبوبة

واليوم صرتوا مثلنــا بدو واعراب

لو الهوى منكم منعتم هبوبـــــه

لا شك رزاق الملا رب الأربــاب

ولو المطر منكم منعتم صبوبـــه

لا شك رزق الخلق من عند وهـاب

جيش الحسد سقتوا علينا حروبــه

كل يبي يزرع على جسمنــا ناب

حرب على المحسن تراهـا عقوبة

بالله عســـاكم ما تفيدون حراب

يا ما عطينــــا ما ندور مثوبه

إلا من اللي من ترجــاه ما خاب

ويا ما نصرنـا صاحب ضيقوا به

عاداتنا نقدم الى مالردى هـــاب

ويامـــا نصانا من تعثر دروبه

يدخل حمانا من تعذرة الأصحـاب

حنـــــا بنينا دارنا من طيوبه

وانتم سلبتوا داركم كل ما طــاب

[عبدالله آل عامر]

رائعة من روائع الأمير الشاعر خالد الفيصل

صحت يمينش يا أخت محبوبة على النقل

تقبلي مروري؛؛؛؛؛؛؛؛؛؛؛؛؛؛؛؛

[انفاس الورد]

يسلم مرورك خوي عبدالله

ولاتحرمنا هالطلة

وتحياتي لك

[عجميه الرس]

محبوبه اليامي



صح لساااااااااااانه


ولا هتني يالغلااااااااااا

[خــالد الفطيحــي]

يعطيش العافيه على هالقصيده
للشاعر/ دائم السيف ولاهنتي

[محمد الشامري]

ايه والله حنا العرب يامدعين العروووبه


صح الله لسانش ولسان شاعرها المتميز خالد الفيصل

ولاهنت على النقل

[ضيدان بن مترك]

حنــا العرب]]]]]]]]]]]]]]]]]]]]]]]]]]]]]]]]]]]]]]]]]]]]]]
ألأخ..محبوبه أليامي..
مشكوووووووووووره..الله يونسش بالعافيه أمـــــــــــــــــــــين.