عـلـمـوهـا . . ! لـ محمد العتيبي

[شيخة الغلا]

أنقل لكم

قصيده بـ عنوان علـموها


للشاعر / محمد البام العتيبي



علموها لو تجي وتشوف حالي
تلعن الفرقا ونسيان الحبيب

خبروها بـ كل شي ٍ هو جرالي
وبلغوها الجرح ماظني يطيب

جعل منهو سبب الفرقا ينالي
كل حزن وكل جرح ٍ به يصيب

حيثه اللي من عواذلنا نوالي
لاصديق ولاحبيب ولاقريب

كيف أبسلى علموني لاطرالي
كيف أبنساها وأخليها تغيب

عفت أنا من عقبها حتى ظلالي
عقبها قلبي من الفرقا صويب

زولها في وسط عيني راس مالي
خابره والشمس في وقت المغيب

يومها قفت واناديها تعـالي
والبلا مالي بها حظ ونصيـب

أصبحت ذكرى يعانقها خيالي
وتشعل بوسط الحشى جمر ولهيب

تشقي عيوني على مر الليالي
والزمان أقسى من العقل اللبيب

ليتها ياليتها ياليتها / لي
وليت قلب ٍ ضاق مايبقى كئيب

علموها لو تجي وتشوف حالي
تلعن الفرقا ونسيان الحبيب

وسـلامتكم

[فـارس]

الله الله

شيخة الغلا

صح الله لسانش ولسان قايلها

والله يعطيش العافية على النقل الرائع

وفي انتظار جديدش

[شيخة الغلا]

تسلم ياذوووق

وصح بدنك ولاهنت عالمرور

شرفت متصفحي

لاعدمتك

[أبو مسعود]

صح لسانش


ولسان من قال والله لا يهينش

[مطلق اليامي]

بيض الله وجهك


علي القصيدة الرائعة

صح صح لسانك ولسان قا يلها

ما قصرتي و الله لا يهينك

تقبلي خالص التحيه

تحياااااااااااااااااااااتي

[شيخة الغلا]

حياك الله (( بومسعود ))

صح بدنك .. أسعدني مرورك الغالي

تحياتي لك

[شيخة الغلا]

و وجهك يامطلق

صح بدنك .. ولاهنت عالمرور العذب
شرفتني يالغالي

تحياتي

[مملكة العجمان]

لله لله


اختيار ذووووووووق وموفق


تسلمين على هل قصيدة الروعه

[شيخة الغلا]

مرحبابك يا مملكه العجمان

الذووووووق ماسطرته أناملك
لاهنت ع المرور

لاعدمتك

[مسعطر]

الله الله الله ,,

على القصيدة الجمييلة و الحزييينة في نفس الوقت ,,
ما ألومه الفرقا شينة

صح إختيارش الجميل أختي شيخة الغلا ,,

تقبلي مروري ,,