فرس الشيخ (مقبول بن هريس) رحمه الله وما قاله فيها بعد مروره على بغداد وعدة اماكن

[الشلوي2]

بسم الله الرحمن الرحيم



السلام عليكم ورحمة الله وبركاته:



هذة القصيدة التي سوف اذكر لكم
قالها الشيخ : مقبول ابن هريس الشلوي
وقد قالها بعد ماصبح عشائر بغداد مرتين
وقبلها مروره على ديار جبل سلمى
وديار جبل ابان وايضاً طميه

وقد اعجب بفرسه وقال فيها :

يا سابقي يـا زينـة الخـد بسنـاد= ولا هيب من حدب الظهور الونيـه
أحط لهـا عـن بـرد الأيـام لبـاد= واحط لها فـي ربعـة البيـت فيـه
إن عشت أنا لوصلك حي في الأبعاد= وأسقيك من كـدراً عجاجـاً رويـه
وإن مت فإن الموت أخذ راعي إجياد= عذر علـى نفسـه وعـذر عليـه
ربعي الشلاوى في المحاضيـر وراد= عاداتهـم يـردون حـوض المنيـه
أقصى مغازينا ليـا حـد بغـداد= ما كف جبل سلمى وأبـان وطميـه
ترى معادينـا مـع الصبـح ينقـاد= قدم طلوع الشمس فـي كـل هيـه
نروي سيوفاً باللقـا حـدب وحـداد= كـم واحـد ٍ منهـن كسنـه دميـه
أوقات ناخـذ سبـق الخيـل وأذواد= وأوقـات ربعـي يحتمـون الونيـه
ونارٍ بلا وقـاد مـا تنجـح الـزاد= ولا تجذب الساري ولو كـان حيـه
وكوراً بغير احبال مـا فيـه مقعـاد= وش يلزمه لا شـد فـوق المطيـه

وسلامتكم يالربع : تقبلوا تحياتي اخوكم الشلوي

[راكان اليامي]

ونعم بربعك يالشلوي ولاهنت

[الشلوي2]

ومن قال ياراكان

وماعليك زود ومشكور على مرورك الغالي يعطيك العافيه لاهنت

[ابن شالي]

ربعي الشلاوى في المحاضير وراد=عاداتهـم يـردون حـوض المنيـه
أقصـى مغازينـا ليـا حـد بغـداد=ما كف جبل سلمى وأبـان وطميـه

صح لسان الشيخ مقبول ابن هريس وهذا الشيخ من اشهر شيوخ الجزيرة العربية : اللي قال فيه الشاعر والفارس دليم الطر العتيبي:

أسلم وسلم لي على الشيخ مقبول = شيخ الشلاوى اللي ورى الضلع قده

سلمت يمناك على كتابت القصيدة يعطيك العافيه يالشلوي لاهنت يالغالي

[قرم وخوالي العجمان]

تسلم يالشلوي ولاهنت يالذيب