ادوووور الشعار

[حبيب]

الايااصحابنا يا اصحابنا من عين الشعار=فقدناهم وانا ادور لهم في كل الاوطاني
انا ماحب منهو في رفيقه ياعرب بوار=ومماصار انا يا اصحابنا ضايق وزعلاني

[فهاد العجمي]

الله الله ياحبيب

بس ليه الزعل ياخيك

انشالله الشعار مايقصرون وتعينهم حاضرين

وبانتظار الشعار

[أبو ناصر]

السلام عليكم ورحمة الله وبركاته

ومساكم الله بالخير

انا مانيب شاعر لكن شفت أبيات حبيب وحسيت أنه متهيض الليله

ولا أحد رد عليه وقلت فرصه أمزح معه شوي

استلم ياحبيب والله الله فيني

هلابك ياحبيب وانتبه لي والفلك دوار=نسد النوب لامن غاب عنك افلان وافلاني
حبيب ياعرب ذا الليل متضايق ودمه فار= يدور من يجر الصوت يالاحي ياليحاني

[حبيب]

المشاركة الأصلية كتبت بواسطة فهاد العجمي

الله الله ياحبيب

بس ليه الزعل ياخيك

انشالله الشعار مايقصرون وتعينهم حاضرين

وبانتظار الشعار

اررررررررحب يابو عيد

تخبر زعل شعار القلطه مايطوول

مرورك شرف يالغالي

[فهاد العجمي]

تبقا يابو مرحبا

والله لايجيب زعل الشاعر ايقول المثل استتروا بالشعرا والمفوهين وش عاد لاصار شاعر ومفوه وشلون اتخلص منه

[فهاد العجمي]

أبو ناصر هذا وتقول انك منت بشاعر اجل حنا وش انقول الله يرحم الحال

والله انك اتخوف وبصراحة انا في صفك ليس خوفا منك لكن عناد في حبيب

وصح السانك يابو ناصر

سرى سرى

[حبيب]

ارررررحب يابو ناصر

تشرف مجلس المحاوره بابياتك

وانت يابو ناصر شاعر ومن متذوقي الشعر وانا اكثر من يعرفك

الله لايهينك وانا داري انك راد مجامله لي ولا انت ماتحب القلطه

استلم

يدوم بك البقا ياصاحبي يامكرم الخطار=ولاياقف ماوقيف الخطر ياكود شجعاني
صحيبي بدر خلاني وانا من صدته محتار=وعلى ماقيل مايطرد ورى المقفين عرجاني

[حبيب]

فهاد اررررررحب

ابو ناصر طلع شاعر عندكم اياه

وتراه يحب المولات

فهاد جاتك مني رساله على الخاص

["بدر العجمي"]

الله الله الله

ياوجه الله يابو سعيد


ليتنى لاحق عليك قبل ابو ناصر هههههههههه

كان حاوى ومردود
بس سلمت

[الهواري]

هلا يا مرحبا لاهيب لامزحه ولا استهتار === حبيب ما نت بحبيب ولو ماني بعرجاني

على روس الملا بيني وبينك والزمن دوار --- وتالي الليل منا واحد بيودب الثاني