السلام عليكم ورحمة الله وبركاته
قصيدة في صاحب السمو الملكي الأمير/سلمان بن عبد العزيز
أمير منطقة الرياض
مرحبا بك يا طويل العمر عقـب السفـر=نجد لبسـت فـي قدومـك جديـد ثيابهـا
غيبتك لو هي ثوانـي كمـا مـدة شهـر=في صدر نجـد العذيـه وعنـد أحبابهـا
من غلاك الناس ما عاد ياخذهـا القصـر=سيدي مـن حبهـم لـك هـذا ترحابهـا
يا هلا بك عد مـا هـل همـال المطـر=والمثايـل فتـحـت للقـلـوب أبوابـهـا
والقصايد فيك يا سيـدي نحـت بصخـر=والصفـات الطيبـه عـجـزت كتابـهـا
من ضمير اللي تهيض ويغرف من بحـر=غاص غبات البحـر والجواهـر جابهـا
للمجالس ناس تهرج علـي نـور القمـر=وللمساجـد يـا طويـل العمـر خطابهـا
وللمعارك يا سليل الشرف سيـف وقبـر=والقبايـل فـي لزومـك تجـي غيابهـا
القبايل سـاس هـذا الوطـن دب الدهـر=وأرضنا هي عرضنا ما نخـون أترابهـا
سيدي ما نستمع هـرج زيـد ولا عمـر=زمـرة التخريـب يالـع بهـا مشهابهـا
كلنا يـا أبـو فهـد كلنـا تحـت الأمـر=في سهول أرض الجزيره وروس أهضابها
بالنيابه عن ربوعي وأنا مـا لـي عـذر=كان خضت البحر خضناه قبـل أعرابهـا
عهدنا من عصر جدي ليا هـذا العصـر=العيـال بكـل واجـب قـبـل شيابـهـا
عهـد جـدي حافظينـه ندرسـه البـزر=للحرايـب يـا طويـل العمـر حرابهـا
لا دعينا نـارد الشـر والمـوت الحمـر=مـن رجال(ن)للمواقـف تمـس أشنابهـا
والله أن حنا فدي(ن)لك لا جاء وقت الخطر=كل نفس لا دنـت مـا تعـرف أسبابهـا
دون شرع الله ودون الوطن كل(ن)حضـر=وأنـت زيـزوم القبايـل تفـك أنشابهـا
وأنت سيف الفهد وأنت الأسد وأنت النمـر=والأفاعي مـن عيونـك تطيـح أنيابهـا
في عيونك من نظرها لقي خير(ن) وشـر=شـر لأعداهـا وخير(ن)يعـم أصحابهـا
ما لنا مـن دون كفـك ومعروفـك فخـر=كـل كرمـان الحمايـل ملكـت أرقابهـا
دارنا للضيـف والحـاج واللـي معتمـر=سورها سلمان أميـر الريـاض أحجابهـا
بالكرم والحلـم والليـن والبـاس أشتهـر=تخمر أطيور الجزيـره لا حـام أعقابهـا
في ختام القول أصلي علي خيـر البشـر=الرسول وطاعة أولـي الأمـر وصابهـا