اعوذ بالرحمن من كل شيطان=ومن الغدر ومن الحسد والعمايل
والى ابتدى ليل القصايد والالحان=بديت واشفيت النفوس الغلايل
وانا ماشوش الأعلى صهله حصان=وعلى عزاوى ناقضات الجدايل
مانيب بخوض الحرب فى كل ميدان=الين يشفعنى صهيل الاصايل
الله خلق لى فكر وعيون والسان=اقدر اميز واتكلم واخايل
نيابة عن يام والشيخ راكـــان=وقفت امثل لى شعوب وقبايل
وذبيت فى راس الطويله مسيان=والحيل مامن حيل والدمع سايل
ومن البكا سالت ملازم ووديان=وحتى الطويله من دموعى تهايل
وبكوا على صوتى شغاميم نجران=وبكواعلى صوتى شغاميم حايل
عليك ياعز العروبه كحيلان=عز العرب رمز الوفاء والجمايل
ملك ومتواضع وللعز عنوان=حذفك بعيد وشبر يمناك طايل
اسمك لحاله يرجع بكل ميزان=وذكرك مابين الناس صايل وجايل
من لانجبت مثلك على مر الازمان=احسن لها تبقى على طول حايل
ومن لانهج نهجك على سنان وعنان=ماظنتى يدعى صبى الصمايل
تركتنا فى عز فى امن وامان=وانعام ماتحصى وخير وفضايل
موتك فجيعه حلت بكل الوطان=من هولها شفنا نجوم القوايل
يوم بدى مظلم تباشير واحزان=تقول فى يوم الحشر والهوايل
لكل عزانا فى هل العز والشان=واخوان نوره مقدم عيال وايل
العزوه اللى لكتسى الجو دخان=افعالهم تلغى جميع الفعايل
نرسل عزانا صوب ذربين الايمان=ونجدد البيعه بكل الوسايل
ونرفع يدينا كلنا سر وعلان=وندعى لهم بالفرض والا النفايل
على العهد باقين انصار واعوان=ماخانو العشره عيال الحمايل
ماعندنا باير وكاذب وخوان=نصدق مثل صادق حقوق المخايل
لعيون (عبدالله )ولعيون (سلطان )=ناقف ونردع كل غازى وعايل
هذى عوايدنا مقلع وخبلان=والى نوينا يعتدل كل مايل
ناتى كذا خبلان صقهان عميان=ونذود دون معوبسات الشمايل
حنا نهار الضيق رائاسه اركان=حنا الكتايب واللواء والفصايل
حنا لقادتنا محازم وفرسان=ضد الغدر ضد الجهل والتحايل
من عهدنا الاول الى عهدنا الان=وحنا على نهج الجدود الاوايل
الحكم لـ آل سعود والضد خسران=وعندى على قولى شهود ودلايل
ومن لا عتبر يقلط على السيف شامان=وماله عن الموت المحقق بدايل
اقولها من قلب يغشاه الايمان=واعيدها لا قيل ويش انت قايل ؟؟؟
وان ودع بليهان ياتى بليهان=وحنا بامن وامان والشك زايل