على ويش التغطرس وانت اعرفك كيف كنت العام؟!= ضعيف البنيه وفاشـل دراسيـاً ، وشيـن أخـلاق
على ويش التغطرس؟ ماتسلـم! ديننا الإسلام=جعـل رد التحيـه واجبـه بالشـرع والميـثـاق
ترى لاني حبيبٍ لـك ! ولانـي فـارس الأحـلام!= ولا يخطر علـى بالـك بيـوم ٍ نشتكـي لفـراق
حرام لـو نعيـش لوحدنـا ماغيرنـا فـي يـام!= لا ادور لي على غيرك ولاظني الفضاء قـد ظـاق
اعرف إنك تعيش بحلم...أعرف إنك تعيش اوهـام= ومن طيشك خلطت أللي بقى لك من بقايـا اوراق
وانـا شايـب كبـرت وعلمتنـي قافلـة لـيـام= لما شفت المراهق أسفهـه حتـى ولـو مشتـاق
دريت إنك من الجيل المُتيّم فـي فضـاء الإعـلام= تقلد دبكة أهل الشام ليـن اصبحـت مـا تنطـاق!
وانـا يابنـت لـي عـدٍ وردتـه والجميـع نيـام= احبه،، واحفظ علومـه ،، ولاقلبـي لغيـره تـاق
علـى خـده يميـنٍ حبـة للخـال كنهـا وشـام= ولامنـه تبسـم غمـزة خـدوده تبيـن سـبـاق
عليه من الشعر ليـلٍ سـواده يوحـش الظرغـام= لما فله لطيف الروح ياصـل فيـه عظـم السـاق
على أسمه نقطةٍ وآخر حروف اسمه بحرف الـلام= وبرجه قالوا الجـوزاء وفـي لبـس العبايـه لاق
سـلام الله عليهـم عـد ماخطـت بـه الأقـلام= سلام أزكى من العنبروارق مـن النسيـم انسـاق
سلام اعذ ب من أشعار الرصافي وابن ابي تمـام= لمن سكرة هواها مـن تذوقهـا قضـى مافـاق