العمر مره وكل من الدنيا يرى ((والحكي يبقى حكي لو كبر حلم الفقير))

[ناصر آل ذروه]

السلام عليكم ورحمة الله وبركاته

بعد التحيه امسي على الجميع بالخير
واشاركم بهذه المتواضعه ..

العمر مره وكل من الدنيا يرى=والحكي يبقى حكي لوكبر حلم الفقير
ياهمومي صرت كني انا وانتي اقصرى=كل ما غمضت عيني يصحيني قصير
ما انتظرت الحظ يقبل ويصبح لي ذرى=وحظي الاقشر عن حظوظ خلق الله غير
العجب بعض البشر لا جرى حظه جرى=لاجلس يجلس معه وان مشى..(حظه يسير)
للامام اسير وخطاي ماترجع ورى=والطموح اللي معي كنه السيف الشطير
ولاشكيت اشكي الثريا وجنبها الثرى=ماشكيت هموم قلبي على العقل الصغير
ضاعت الفكره وشين من الذكرى طرى=وابتدى ليل الحزن يطوي القلب الكسير
ايه يا اول لقانا وحبًٍ ما قرى=وايه يا آخر لقى بيننا كان الاخير
اتذكر حبنا يوم في لحظه سرى=يوم محبوبي تولم وعزم بالهجير
ايه حبه ساكنٍ فالحشى لو مادرى=اصدق الاحساس كله لبو وجهٍ سفير
الوفاله لو غيابه عن عيوني (برى=حالتي) والهم عقبه على قلبي وفير
في غيابه ما اهتنا الجفن في حلو الكرى=من ثلاث شهور (الله) لا يذكرها بخير

[هادي بن فهاد]

صح السانك بارك الله فيك على القصيدة الجزله

[حــســن الــعــذاب]

صح السانك وتسلم يمناك على القصيدة الجزله

[راكان بن فيصل الحثلين]

صح لسانك ياناصر وعزالله ماقصرت بيض الله وجهك
تقبل مروري لاهنت