صدر المواجع

[عبدالله ال مجحود]

كان العشقُ من نوع ٍ آخرَ ومختلف .. ولكنّهُ ليسَ غريباً .. من ولادتها حتى

مماتها .. لم اسمع منها ايّ كلمةٍ قط .. وانما كانت احاسيسنا تتنقل بنظراتِ العشقِ

المتبادلةِ من مرفأ العينين الى محطة القلوب ..

حين تجولت بارض ذكرياتها يوم الخميس الماضي .. امطرت عيناي بدموعي على ثرى

الذكرى .. وكانت هذه القصيده :

الخلق تنعم بالمنام وتهنّا = وانا عيوني حرمت ما يذوقون
ويلاه من قلب ٍ صويب ٍ معنّا = قلبي مع جروحه متاهم يطيبون؟
ياناس حب البيض منّه خلصنا = مليت من قولت حبيب ٍ ومزيون
والجرح بآلامي تمكن وغنّى = ودموع عيني من لحونه يهلون
من عقبها مليت واسع وطنّا = كن الاراضي والسما بي يضيقون
فقدتها من عقب ماني اتمنّى = لو العمر بسنينها دوم يطولون
من فترة ٍ والوقت قد حال عنّا = واشواقنا في كل يوم ٍ يزيدون
واثر الزمان يشح وان مد منّا = زماننا قد قيل ماهوب مامون
اخذ عمر من له قصور ٍ تبنّا = في وسط قلبي بين الاضلاع مكنون
خل ٍ رحل ماهوب انس ٍ وجنا = خل ٍ رحل بس ما بات مدفون
كنها بياض الغيم لاقبل ودنّا = ماقد خبرنا السحب بالارض يمشون
وان قمت اناديها تلبي .. تحنا= وان قلت انا لبيه تقبل على الهون
عشق ٍ جمعنا يوم مع بعض كنا = من قبل ما وقتي بدا دوره يخون
في جو ابن كمعان حنا نزلنا = اخر مكان ٍ شفتها شوف العيون
قمت اجتول والقلب في صمت ونّا = في ليلة ٍ قمرا لو ابليس ملعون
قامت تزّول لي دلال ٍ و فنا = وطيف ٍ لها يهمس لي احروف ولحون
وانا واحساسي بــ آه ٍ عزفنا =والى ولدها رحت حاير ومحزون
ياليت لو يدري وفكر وظنا = قامت احاسيسي تجاهه يواسون
وانكفت انا للدار والعقل جنا = والقلب في نبضه من الجرح مجنون
رجعت اشب النار والبرد ثنّا = وبرد ٍ باحاسيسي الا كيف يدفون
القلب يومه للمصايب يكنّا = صارت ضلوعه من جروحه يشبون
صدر المواجع يا رفيقي سكنا =قد قالها قلبي من سنين مشحون
بس قمة الاحزان ما قد وصلنا = الا عقب شُطه عسى مابي يهون *

شُطه : اسم الناقه التي توفيت قبل تسعة شهور ولم اعلم بها الاقبل اسابيع قليله لانني لم اكن

بالبلد طيلة تلك الفتره ..

القلب يحتوي جميع انواع العشق .. وما اجمل العشق ان استمر .. وما امّر العشق لو اندمر

وسلااااااااااااااامتكم

عبــ اللــ ــد ــه

[مهرة النسيان]

للابل عظيم المكانه عند صاحبها ..

صح لسانك اخوي وابدلك الله خيرا منها ..

[العيدروس]

ربك العوض...ويبعد عنك الكدر ياخوي


سلااااااام..وصح لسانك

[عبدالله ال مجحود]

المشاركة الأصلية كتبت بواسطة مهرة النسيان

للابل عظيم المكانه عند صاحبها ..

صح لسانك اخوي وابدلك الله خيرا منها ..

صح بدنك .. وبما انك مهرة النسيان ..

ياليت لو علمتيني النسيان

[عبدالله ال مجحود]

المشاركة الأصلية كتبت بواسطة العيدروس

ربك العوض...ويبعد عنك الكدر ياخوي


سلااااااام..وصح لسانك

صح بدنك .. مشكووورة

ولاهنتي عالمرور

صح الله لسانك ولاهنت .

قصيده معبره حزينه وجعل ربي يعوضك بأخير منها ..

سلام

[الغروب]

صح لسانك ... قصيدة من القلب ... فوصلت الى القلوب

[عبدالله ال مجحود]

المشاركة الأصلية كتبت بواسطة محمد بن دسمه

صح الله لسانك ولاهنت .

قصيده معبره حزينه وجعل ربي يعوضك بأخير منها ..

سلام

صح بدنك .. لاهنت عالمرور يا بن

دسمه .. مشكووور

[عبدالله ال مجحود]

المشاركة الأصلية كتبت بواسطة (لولين)

صح لسانك ... قصيدة من القلب ... فوصلت الى القلوب

صح بدنك .. اشكرك على مرووورك

ولاهنتي يالغلا ..

[عبدالله بن دريب]

صح لسانك يا عبدالله.. على

القصيدة الرائعة

والله يعوضك باللي أطيب من الناقة ..

دمت مبدع.. أخيك..