شــــــــــــايب@ حــــــــــبيب @ بخــــــــتصار

["بدر العجمي"]

تقدم ياحبيب كلبو ربعـك هنـا فرسـااان=ليا منـه غزتنـا قـوم نتفنـا شواربهـا
هنا لعب الرجال اهل العلم مالاعبت نسوان=سيوف الهند ننقلها وبالاحمـر نخضبهـا
وصلتك ياصحيبي وادري انكم في الوغى شجعان=وراس العاصيـه لازم نـرده صـوب غاربهـا
هنا لعب الرجال اللي توقف لا احتمـا الميـدان=تقـدم شـر لاهـل الشـر ماتحسـب عواقبهـا
ليا احتكت وصكت ابشر انا نلطم الفسقان=انا شايب حرايب اعشق العليا وكاسبهـا
نعقد الحبل ون حله ومن يجهل بنا غلطان=ولا نرحم ولا ناوى ليا شبـت حرايبهـا
انا خابرك محزم يالسنافي لارقص شيطان=وبه قومٍ علينا لو غـزت مانيـب حاسبهـا
يقولون العرب من حكيها تر تعرف الخبلان=ورسالة صاحبك هاذيك بين عقـل كاتبهـا
حصانى والحصانى ما تقرب منك ياسرحان=رعا فعلن تعرفه كل حاضرهـا وغايبهـا
كلاها الحقد ياحبيب وهذى حالة الخسـران=صفالك مشربك والقوم غثرب فى مشاربها
انا ارافق هل الطالـه سواتـك واتـرك الرديـان=نعيـش بعـز واهـل الحـقـد والله مانقاربـهـا
انا ما اخطي ولا احب الخطا واكرب على الغلطان=وندعس فـوق حيـات المواطـي مـع عقاربهـا
يقولون الرجال الى يبى يهين الرجال يهان=وسلعه كلها عذروب ماقد ربـح جالبهـا
لنا عاده وفينا حلم نرفع من رفيع الشـان=ونحشم من يحشمها ولا نقصـر بواجبهـا
عسى الله لايهينك يالسنافي شايب الرحمن=توقف للثقيله وانـت يارجـال صاحبهـا
رساله جابها خبلٍ يدفونـه بعـد خبـلان=وانا عارف من اللي ياوسيع العرف كاتبها

[ابومحمد الشامري]

صح لسان كل من الاخوة الاعزاء الشايب وحبيب على المحاورة الرائعة وترا صغرت من حجم الخط يا الشايب علشان ما تكون الصفحة كبيرة.

ولا هنتم

["بدر العجمي"]

ابو حمد لاهنت وتسلم

[السنافي]

صح لسانك يالسنافي ولا هنت يالغالي

[غــشــام]

صح السنتكم ولا هنتو