اخواني اعضاء هذا المنتدى الشامخ بتوجدكم
اسعد الله جميع اوقاتكم بكل خير
واضع بين ايديكم هذه القصيده واتمنى ان تحوز على رضاكم
صلوا على النبي
يامرحبا بالقصيد وحي طاريه = ويامرحبا بشوف ربعي وشوف خلاني
ياما كتبت الشعر قصه خياليه = والحين اجيبه حقيقه واعلن احزاني
عاندني الحظ !! واعلن قسوته ليه = ويخطي علي الزمن ويقول : بلعاني
ببدا بيوتي بتصريحات ناريه = تشعل بيوت الشعر وتهيض قيفاني
ماهمني الوقت لو كثرت عزاويه = مادام به شخص فالدنيا من اخواني
وتركت درب الهوى لجل الهواويه = والله بلاني بشيخة حسن تهواني
انا جنوبي وحبيت الجنوبيه = وصارت شياطين حبي ماتعداني
تحفه ودلوعه وتهوى الرومانسيه = ومن زود حبي لها ماهيب تنساني
اجي واغني لها ابياتٍِ غراميه = وماعندها غير (كررها على شاني )
أول تجيب البيوت بدون قافيه = واليوم صارت على المعنى تحداني
ترسل شعور الغلا بابيات شعريه = وتقووول: ياليتنا في عالم ٍ ثاني
انا اشهد انها على الحب انتحاريه = وانا اشهد ان حبها المجنون عناني
ولاجاتها من صواديف الزمن كيه = تترك جميع البشر وتقوم تنخاني
لبيه ياعروق قلبك يالسنافيه = ولبيه ياأنغام صوتك يوم ناداني
ياشيخة الغيد يااااحلا كويتيه = ياغنية حب من شعري وبالحاني
انافدائي وصرتي لي فدائيه = ياحلا قصيدة غزل في وسط ديواني
ردي علي واعلني حاجات مخفيه = ثم اعلني للهوى حبي وعنواني
قالت : جروح الهوى ماهيب وهميه = برهان حبك خذيته واخذ برهاني
طبعت لك بالحشا قصه جنونيه = كتبتها بالدموع ودم شرياني
ياسيف درب الغرام وكل جنبيه = يامحزمي فالشدايد ياذرى العاني
ماكنت بالحب مأموره ومنهيه = لكن حبك بيامرني وينهاني
وجنيتي جاتها مليون جنيه = من يوم حبيت بين الخلق (عرجاني )
قلت : العشق والغلا قصه حقيقيه = عنوانها اني احبك بد خلاني
ومضمونها كلمةٍ ماهيب عفويه = تزعل كثير البشر واهلي وشيباني
كرهت من شانك اديار السعوديه = وحبيت دار الكويت ومن تمناني
07-06-2006, 03:43 PM
العرض العادي
