مشاركه عسي تحوز علي رضاكم
يا ناس مالي بوجه أمسيلمه حاجه=خليفة أمسيلمه كذاب وش لي به
الرجل يدري بمدخاله ومخراجه=لابد يبعد عن الشكات والريبه
من قبل ما ينوي النيه بمنهاجه=وش له بدرب(ن) تحاشر به عقاريبه
عد الحسو ما يوصف عين هداجه=واللاش معروف لو كثر تراحيبه
اللاش وأن شاف طيبك عقد حجاجه=طيبك غدي هم يصبح به ويمسي به
اللي رقبته علي الغرات منعاجه=من راقب الناس جعل الهم يبطي به
يومي شليله وكنه فوق دراجه=وأن سمع هرجه يبروزها بكاذيبه
وأن قلت وش بك يقول الناس هراجه=العلم بين وكل الناس تدري به
سوالفه من خيال الفكر وأنتاجه=وأعزاز الأنفس مع العالم لهم هيبه
الأجنبي صدتك تكفي عن أحراجه=تقفي عن الأجنبي وأتطول الغيبه
والا القريب كما جرح(ن)وخراجه=علة نحر لو تحقق له مطاليبه
حتي لو أقفيت ما تسلم من أزعاجه=عليك بالطيب اللي ينذكر طيبه
خميس اللي سوات البحر وأمواجه=ماهوب رس(ن)تنا قز به دغاليه
الباب مفتوح ما صكه بمزلاجه=من روس قوم(ن)عريبات(ن)مجاذيبه
وأمفارق اللاش طب القلب وعلاجه=اللي ليا حل ذكره قيل والخيبه
أعطه حقوق الولي سلام ومواجه=حق(ن)علي الرجل ما يترك مواجيبه