الحب فن وصحّحي في مباديك

[عبدالرحمن الجبابرة]

السلام عليكم ورحمة الله وبركاته
تستحقون الأجمل ولكم التماس العذر لمخاويكم

اليـوم ابانسـى واتناسـى طـواريـك = وان مرطيفـك يـوم صـدّيـت عـنّـه
من اوّل ٍ لـك الغـلا وكنـت شاريـك = واليـوم ابيـع الحـب لا جلـه بمـنّـه
ياشيـن حـب المـن عـزّي لمغلـيـك = تـرى مـنّ الغـرام مـا فـيـه بـنّـه
الحـب فـن وصحّحـي فـي مباديـك = مثلـك غشيـم ولا عـرف ذوق فـنّـه
الحـبّ إحسـاس وشعـور ٍ يناجـيـك = الحـب فـي جيلـك قليـل اعرفـنّـه
الحب مـا هـو كلمه (الله يشافيك) = حتـى انشـدي اللـي حبّـن وجرّبنّـه
لوكـان بـك قلبـ ٍ تضمّـه محانـيـك = قـد حـس مثـل خافقـي وون ونّــه
كـم ون ّلـك بليلـ ٍ اظـلـم بواديك = كـم فـز وكـم طواري (ن ) افزعـنّـه
قد كان ظنّي اكبـر مـن الرجـا فيـك = لكـنّ بــان ان الرجـا خـاب ظـنّـه
صـدّي ولا بــد الليـالـي توعّـيـك = قـد وعّـن اللـي غافـل ٍماتركـنّـه
جنـّه بـلا منـادي ولا بـد تنـاديـك = كـم مثـل بابـك يـوم جـن اطرقنّـه
يومن لك ويومن عليـك ويـوم بيجيـك = ومـداول الأيـام فـي الخلـق سـنّـه
وسلامـة اللـي قالها قـاصـدٍ فـيـك = وسلامة اهـل القـاف ومـن ذاق فـنّـه

( مخاوي الأمل )
عبدالرحمن الجبابرة

وسلامة اللي قالها قاصـدٍ فيـك
وسلامة اهل القاف ومن ذاق فنّـه

صح الله لسانك اخوي الفاضل ..

ويامرحبابك في مجالس العجمان

سلام

[ابومحمد الشامري]

قصيدة جميلة ورائعة صح لسانك اخي العزيز عبد الرحمن في انتظار جديدك

[عبدالرحمن الجبابرة]

أخوي الشاعر القدير : محمد بن دسمه
تسلم يالغالي لاخلا ولاعدم
وما جاب أخوك هنيا إلا لأنه يعز ويغلي يام كافة
وليس مجالس أو منتديات فقط
صح بدنك وبيض الله وجهك
لاعدمناك
.
.

[عبدالرحمن الجبابرة]

أستاذي / أبو حمد الشامري
صح بدنك وسلم فكرك
وبيض الله وجهك
ولي الشرف ولحروفي أن تنال رضاكم واستحسانكم
وحضورك محل تقديري واهتمامي
لاعدمناك
.
.
مودتي

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ

[عبدالرحمن الجبابرة]

أخوي القدير / بندر أبن خضير العجمي

صح بدنك يالغالي
وبيض الله وجهك
حضورك المشرف محل تقديري واهتمامي
لاعدمناك
.
.
مودتي