أنواع الرجال..للشاعر مشعل الدهيم

[مواطن عادي]

مما استوقفني من القصايد هذي القصيدة للشاعر مشعل بن دهيم يقول فيها

يالله تعديها على خير وتصيب=من حدنى أكتب خماله وعيبه
يبغى الصراحه ما بها شك او ريب=باقولها والناس كل(ن) وطيبه
الحر ما ينفع بليا مخاليب=والعقل للرجّال زينه وهيبه
والسالفة (ماهى بلحيه) مواجيب=(كل(ن)على طبعه يجيبه حليبه)
بعض المنابت بالمراجل عذاريب=وبعض المنابت للمراجل خصيبه
رجل(ن)يبى طاريه عند الاشانيب=ورجل(ن)يبى طاريه عند الحبيبه
ورجل(ن)يودى بالسواليف ويجيب=ورجل(ن)سواليفه لفعله تجيبه
ورجل(ن)يغض الطرف عن جارة صحيب=ورجل(ن)عيونة فى محارم صحيبه
ورجل(ن)يغيب و يفقدونه هل الطيب=ورجل(ن)ليامن غاب ماحد(ن)دريبه
ورجل(ن)تشوف بخوته لك مكاسيب=ورجل(ن)تشوف بخوته لك غليبه
ورجل(ن)اذا اخطى يرى نفسه مصيب=ورجل(ن)اذا اخطى يراها مصيبه
قلت الصراحه ما بها شك او ريب=(كل(ن)على طبعه يجيبه حليبه)
اشره وشرّه كان تبغى المواجيب=عط حق تاخذ حق مابة معيبه

للشاعر مشعل الدهيم

[ثامر الشميعان]

ورجل(ن)اذا اخطى يرى نفسـه مصيـب
ورجـل(ن)اذا اخطـى يراهـا مصيبـه

الله الله
صح لسان شاعرهاا
ولا هنت على النقل

[مواطن عادي]

ولاانت

ثامر الشميعان مرورك بحد ذاتة فخر لي ولموضوعي

بيض الله وجهك

[king الوادي king]

ورجل(ن)يغض الطرف عن جارة صحيب
ورجل(ن)عيونة فـى محـارم صحيبـه
الله الله صح لسان شاعرها واله لايهينك على الاختيار الموفق

[مواطن عادي]

king الوادي king
صح بدنك ولاهنت