مجارير ونغم !

[خالد وبس]

ابيات كيبورديه متواضعه
عاد تعرفون .. الفراغ وما يسوي

ليت الهبايب يوم ترسل .. نودها = على الرياض اللي .. تميل ورودها
تاخذ من احساسي .. مجارير ونغم = ومشاعرٍ .. اتقودني واقودها
البعد .. وظروف الزمان .. ولوعته = تخلي العاشق .. ما عاد يعودها
يا وجد حالي .. كل مازاد الوله = في ليلةٍ .. صلف الظنون ترودها
لو ان لي قلبٍ جزوع .. ويحتمل = ما ذاب بين اوجودها وصدودها
بنتٍ تساومني على شوقي .. وهي = بلادي اللي .. ما تحدّ حدودها
كني الغريب اللي .. يدوّر له وطن = ويوم التفت .. لقى الوطن في سودها
عمهوجةٍ .. تغري ذعاذيع الهوا = لا هب نسناسه .. ولامس عودها
في مشيها هزعه وميله واعتدال = ومن النعومه .. كل شي يكودها
دايم يذكرني بها .. وصفٍ دقيق = يلبق لها .. ويحّدها .. ويحودها
ان وقّفت .. دق "العسيلي" .. وركها = وان دنّقت .. ما ردّه الا نهودها!

[السامي1]

صح لسانك يااخالد
ابيات في قمة الروعه
وصف دقيق ومتكامل
لاهنت ياالغالي

[العـــسر]

كني الغريب اللي .. يدوّر له وطـن
ويوم التفت .. لقى الوطن في سودها

الله وأكبر





صح الله لسانك

ولاهنت على هذا النص الجميل يا خالد



تقبل جزيل الشكر

[" مــــابه جديــــد "]

مرحبا بطشار الجوري هنا

صح لسانك منى لا ماله مدا

ولااهنت على ذالقصيده الرايعه يا رايع

[حـــوران]

ول ول

هذا القصيد اللي يصحي من النوم

ياخي حبيت فراغك

ابيات عذبه بمعانيها وقوافيها وبحرها وانشهد انك جزل

اما البيت الأخير ياكثر مارددته انا , اشهد ان بطنها ماكله الذيب

صح لسـانك يابطل , وكثر من الأجازات

[هتـــون]

يا وجد حالي .. كل مـازاد الولـه
ــــــــــــــــــــ في ليلةٍ .. صلف الظنـون ترودهـا
لو ان لي قلبٍ جـزوع .. ويحتمـل
ـــــــــــــــــــــ ما ذاب بين اوجودهـا وصدودهـا


بجد . لا اجد ما اقوله ,,
اللا صح لسانكــ لين يرضيكــ صمتي ../

تحياتي ../

[بطاح]

دايم يذكرني بهـا .. وصـفٍ دقيـق
يلبق لهـا .. ويحّدهـا .. ويحودهـا
ان وقّفت .. دق "العسيلي" .. وركها
وان دنّقت .. مـا ردّه الا نهودهـا!



الله عليك يا مبــدع



صح لسانك مليوون يا خالد .. ولا عدمنا هالابداع

[النـوف]

:



خـــالد وبس

صح السانك وعلا شانك

احسنت واجدت هنا كعادتك

جميل ما كتبت انت

ورائع ما قرا انا

تقبل جل احترامي

[فـارس]

الله الله

صح الله لسانك يالجزل على الجزله ,, وبيض الله وجهك عليها

وليتك دايم متفرغ

[عزوة ابيه]

لاهنت ياخالد وصح الله لسانك