ليت كل الناس عبد الله عماره

[مجالس العجمان]

:

قال ابن كروز وش آخر إعباره= قلت في نايف يومنه لد يمي
الرشيدي والله ما فيها خساره= يوم تعب فكري وهجسي وفمي
اتنومس لا مدحت ابن عماره= ابن عمي وابن عمي وابن عمي
لو فرضت اني او انه من بزاره= والنسب في الجد ماهوب إمتسمي
رفقته تفرض على الطيب وقاره = لين صار ابيه ابي وانه امه امي
موقفه طيبه مقامه واعتباره = اتحزم به طنخ وطيح همي
شاعر(ن) عنده على الوقفه جساره = دون ربعه لبعد غيره يحمي
كل يوم(ن) له مقام وله صداره= دِلوه ينافس على دلوي بجمي
يدهر لمن ورد جود ونعاره = مثل هملول السحاب المدلهمي
سيله ان مر السهل من راس قاره= كأنه بحر لا اصطفك موجه يطمي
غيبته غيبة سهيل وله مساره= في خضم العارفين وفي خضمي
ما دفن راسه بعرقوب الزباره= كأنه البيرق على الضلع الاشمي
لو تباعد عن طرف عيني إدياره = في اللزوم اقرب من كفوفي لكمي
إرتفع يا مجدنا واهدم حضاره= وابني مثل اللي هدمت ولا تسمي
وجعل كان اني مسويها عياره= تحتقرني جوختي ولا معمي
ليت كل الناس عبد الله عماره= كل ما ثار الفشق واحتر دمي

[تكفيني الذكرى]

محمد بن ذيب

لافظ فوك يابو ذيب

صح لسانك وارتفع شانك

قصيده رائعه كروعت شاعرها وناقلها

مجالس العجمان..

يعطيك العافيه

[عليل المحبه]

ياسسسسسسسسلام

صح السان بن الذيب على الجزله
ويستاهل بن عماره . .


ولاهنتوا على القصيده

[ثامر الشميعان]

الله الله
صح لسااان محمد بن الذيب على القصيده والمدح لبن عماره
ويستاهل بن عماره
ولاهنتو

[فالك طيب]

تميز في ما يكتب الشاعر المبدع

محمد بن الذيب

وبكل صراحه يستحق عبدالله بن عماره كل المدح

وفالكم طيب

[الريمي 2009]

لاهنت ياراعي المقطع

وصح الله لسان ابن الذيب ويستاهل ابوسالم

[حــســن الــعــذاب]

صح السان بن الذيب على الجزله

ويستاهل بن عماره

[عبدالله آل عامر]

أبيات جزلة جزلة ووافية من ابن الذيب ماهي غريبة منه
:
ويستاهل ابن عمارة المدح
:

[الجد]

كفو يا المادح ومامدحت يابن الذيب غير شروا
لا قالوا ان الناس اجناس شاش بي الهوجاس
وقمت اقلب بصفحات الايام لين اتضح لمن يروا
شعرك وقدرك بين الرجاجيل ياصعب المراس

[مرسى الاحزااان]

الله هالله صح لسانك يا ابن الذيب ويستاهل المدح ابن عماره