حتى صلاة العصر مرتني .. ولاصليتها ( رائعه ) !!

[مناحي الصميل]

لا اجيد المقدمات ..

ولا اجيد الوصف

ولا املك من قول

سوى انها .. فاتنه




v
v
v

الليله الليله بغيت أموت من حر الوداع=حتى صلاة العصر مرّتني .. ولاصليتها
واستغفر الله من كلامٍّّّ لايقال .. ولايذاع=يارب لاتغضب وتغفرلي .. الا عديتها
اخاف من يومٍ يظيق الكون من عقب اتساع=واخاف ربي لا يحاسبني الا ماديتها
لكن عندي مشكلة ... خرسٍ مظاليلٍ وساع=عيت تخليني على الدنيا .. ولا خليتها
مريتها عاما ثنيه .. ودعست بيتي رباع=ياليتها ما مرت البارح .. ولا مريتها
من حبها كن ماخلق غيري على الدنيا .. شجاع=لو دربها جمرة وطتها الرجل .. ماحسيتها
اسوق عمري في رجاها .. لو تعشّاني السباع=اهم شي اشوف لفتتها .. وشارع بيتها
اظمالها في ذمتي ذمه .. وطاريها متاع=حتى اسمها يزيد في روحي .. الا سميتها
لا ابطيت منها ضقت من ثوبي .. ومن شتا البقاع=وترد روحي كل مانادت علي .. واوحيتها
والى سمعت اسمي يفز القلب .. ويجيه اندفاع=ما كني اسمعها والا عادت لاسم .. لبيتها
والله لو انها جمرةٍ .. حمرا يخالطها شعاع=اني قبل لااعرف مدى .. تأثيرها ظميتها
هذا غلاها كل يوم وكل .. ليله في ارتفاع=يعني غلاها جابه الله لي كذا .. واغليتها
وان قالو العالم روايا الحب .. مافيها استماع=يمكن تجاوبهم صدى الونه الا .. ونيتها
وان قالو ان الحب ضيعه .. والسبب في الانصياع=قلت المحبه مايعذربها .. الا ذميتها
ان كان حبي صار ضيعه .. قلت ياحلو الضياع=لا والله الا ضاعوا العالم وانا .. دليتها
دليت لي شيخة .. جمال / وعرف / واسناع / وطباع=واقول اجل منا بحبه كان ماحبيتها
هذا قراري والقرار الصعب يعطي .. الاقتناع=ماعاد ينفع به ياعل او ياعسى او ليتها
غير اعذروني لو غدى موتي على .. سبه وداع=النفس لو اقدر عليها من عصر رديتها
روّحت انا ويا همومي من صراعٍ .. في صراع=حتى صلاتي قد بغيت اسج .. ماصليتها

لـ/حمد بن صالح

[فرقت الاقدااار]

صح لسان شاعرها عز الله جزل

[ابونايف الوعيلي]

لاهنت يامناحي على النقل...صح لسان شاعرها



اخوووك

ابونايف الوعيلي

[مانع الوعيلي]

لاهنت يامناحي الصميل وصح الله لسان الشاعر

[الغروب]

الشاعر

مناحي الصميل

تسلم على الاختيار الطيب من خلال هذه القصيدة وصح لسان شاعرها

دمت بخير

[مناحي الصميل]

المشاركة الأصلية كتبت بواسطة فرقت الاقدااار

صح لسان شاعرها عز الله جزل

مرحبا بك


صح الله بدنك


تشرفت بمرورك

[مناحي الصميل]

المشاركة الأصلية كتبت بواسطة ابونايف الوعيلي

لاهنت يامناحي على النقل...صح لسان شاعرها



اخوووك

ابونايف الوعيلي

ابو نايف ارحب

ولا انت


وصح الله بدنك


شاكر لك مرورك

[مسعطر]

لكن عندي مشكلة ... خرس ٍ مظاليل ٍ وساع=عيّت تخلّيني على الدنيا .. ولا خلّيتها

لعنبو لايمه لا سمّها مشكلة


ارب منتب تعاني مشاكل مثلها يا مناحي



صح لسااانك و لساان شاعرها حمد بن صالح ,,

اهنئك على الإختيار الجميل ,,


تقبل مروري ,,
أستودعك الله ,,

[ساري الليل]

لاهنت يامناحي الصميل وصح الله لسان الشاعر

[][ .. خــجــل .. ][]

ان قـالــو الـعـالـم روايـــا الـحــب .. مافـيـهـا اسـتـمـاع

يـمــكــن تـجـاوبــهــم صــــــدى الـــونـــه الا .. ونـيـتــهــا

وان قالـو ان الحـب ضيعـه .. والسبـب فــي الانصـيـاع

قــــلـــــت الــمــحــبـــه مـايــعــذربــهــا .. الا ذمــيــتـــهـــا

ان كــان حـبـي صــار ضيـعـه .. قـلـت ياحـلـو الضـيـاع

لا والله الا ضــــاعــــوا الــعـــالـــم وانـــــــــا .. دلــيــتــهـــا

غيـر اعـذرونـي لــو غــدى مـوتـي عـلـى .. سـبـه وداع

الـنــفــس لـــــو اقـــــدر عـلـيـهــا مـــــن عــصـــر رديـتــهــا

روّحـت انـا ويــا همـومـي مــن صــراعٍ .. فــي صــراع

حــتــى صــلاتـــي قـــــد بـغــيــت اســـــج .. ماصـلـيـتـهـا

الله الله الله الله

يا ســـلآم 1؟

صح لســآن شاعرهــآ .. ويعطيك الف عافيه اخوي مناحي على النقل

لا هنت