قصيــده لشـاعر الفــارس : سيف بن غزيل الشامــري..

[بنت ابيها]

" بسم الله الرجمن الرحيم "
السلام عليكم ورحمة الله وبركاتـه...

هذي بعض الابيات لقصيدة طويلة لشـاعر الفارس : سيف بن غزيل الشامــري.. جعلــه فالجنــة.

والله ان حلاة العمر لى هبّ نسناس = ركب ٍ على اللي يبعدنّ المماسي
لى روّحت قد هي من القفل يبّـاس = ميرادها عدٍّ صراةٍ ..دماسي
حيلٍ يشادي نيّـها روس الاطعاس = مرباعها نبت القنوف الرواسي
بين الحجر ومحقـّبة جا لها ارماس = ترعى نباتٍ في الهشوم المساسي
حراير ٍ في غايه الربخ غطـّاس = تسعين ليلٍ تيّـهت ما تداسي
دوارب ٍ لى وقـّفـت مالها اجناس = تاتي بعلم البدو لى منه ناسي
من فوقها نوّاسة العلم لى ناس = قطـّاعة الفرجة على كلّ باسي
اللي لهم عند التوالي تنكـّاس = فهود الزراج وللمعادي نحاسي
كسّابة الناموس في العجّ طمّاس = لى ما التقت خيل ٍ عليها لباسي
رمّايةٍ للشيخ .. لبّـاسه الطاس = لى ما اقبل الطابور ماله قياسي

% المصــــدر %
ملــف وســم لابراهيـــم الخالــدي..

[ابومحمد الشامري]

الله يرحمه ويسكنه الجنه انشهد انه شاعر جزل وشاعر حرب ولعلِ اذكر في هذا المقام قصيدته يوم قام يحمس صبيان يام بالثار من يوم حما يوم غدروا ابن رشيد وشمر ومطير للعجمان فقال قصيدته قبل معركة الوريعه انتصروا فيها العجمان يوم افزعوا للشيخ مبارك الكبير يقول فيها ويخاطب ابن رشيد الضيغمي:

يا الضيغمي طاوعت شور المغوّين = بواقة الجيران بيـن الثنايـا
بقت العهد فينا وحنا مغرين=من صوب شمر مـا نـرد الرعايـا
لا تحسبنا عقب حما بناسين=بأسبابها راحت ليـام(ن) حمايـا
ناتيك سيرات مع الصبح ماشين = بامر الولي نجعل قصورك جثايا
ترهن على الحكام يا شيخ عاصين = ناطا دماغ الشيخ وطي الحذايا
ياليت حن عند المظاهير يا حسين = ناتي لزينـات الخلاخـل فدايـا
نكسر نصاب السيف عند المتلين = لعيون من يركب بعوج الحنايـا

بيض الله وجهش يا بنت ابيها علومش دايم جزله

[راعيــة الذوووود]

الله يرحمه قصيده جزله و رائعه ,,,,

و الله يعطيش العافيه اختي و بيض الله وجهش ....

[محمد الشامري]

الله يرحمه ويسكنه الجنه

بنت ابيش الله لايهينش وبيض الله وجهش

ولاهنت يابوحمد على الاضافه الجزله

والله يسكن عقيد ال خضير الجنه

[بنت ابيها]

المشاركة الأصلية كتبت بواسطة ابوحمد الشامري

بيض الله وجهش يا بنت ابيها علومش دايم جزله
[/color][/font][/size][/align]

ووجهــــك يامــديرنــا ومنــك نتعــلم يالسنــافي..
وتســـلم يمنــاك على اضــافة ذا السالفة الطيبــة..
وشـــرفني مرورك..

[بنت ابيها]

الله يعافيـــش ويخليــش لعينن ترجيــش
ولاهنتي فديتش ...

[بنت ابيها]

ولا انت اخي:
محمد الشامري
والله يعطيــك العافيــه على مــرورك الطــــيب...

[سعود الخويطري]

الله يرحمه ويسكنه الجنه

بنت ابيش الله لايهينش وبيض الله وجهش

ولاهنت يابوحمد على الاضافه الجزله

والله يسكن عقيد ال خضير الجنه

[بنت ابيها]

ووجهــــك اخي:
سعـــود الخويطــري
واشكـرك على مرورك الطــــيب ولاهنـــــت..