الســـــــــــلام عليكم ورحمـــــــــة الله وبركاتــــــــــــــــــــــه
هي الشاعره( مويضي الدهلاويه)من قبيلة العجمــان وكانت تسكن بـلدة الرس وتزوجهـــا(جديع بن هذال العنــزي)ثم طلقهــــا وتزوجت بعــده(مسلط الرعوجي)وكان زوجها الاول لم يكن برغبة كامله من اهلها وانما وفقوها عليه لرغبتها الشديدة ولما طلقها رأت انـه لم يقدر وفاءها له وجهودهـا في اقنــاع اهلها بالزواج منه حيث قابل ذلـك بالطلاق مما جعلها تغضب عليه وتقول فيــــه:
ياراكب ملحـــا تكب الشــــــــداد=عملية ماهي بتمشي على الهون
كنه ظليم جافل مع حمــــــــــــاد=اقفي وقلبه حروة الدحو مشطون
تسهج بك الجبلان ببلا بعـــــــاد=والصعر وانتم عند عكاش تلفون
ياخو هوى يالقرم وين انت غاد=ودي على جال الرفايع تحطون
بالحاجر المنقاد مع بطــــن واد=فوقه دواوير على العد يبنون
حزة طلوع الشمس وقت المقاد=من حين رعيان البوادي يمدون
تسمع لسبر القوم حسه ينــــاد=عاين وهو بالرجم للجو مقطون
يقول شفت الطرش دونه نكــــاد=غوش على شهب النواصي يعنون
تقلى بهم من قال كب الســـــواد=ارجي عساهم بالزماليل يلهون
عند الركايب صار هوش ركـــاد=وراعي الحصان المنتخي راح مطعون
وراعي فريحه كن فيها قيـــــــاد=يثني كما سبع الخلا لاتذلون
وهذي قصيدتها يوم زوجها الاول جديع بن هذال العنزي سافر مع قومه وخلاها عند اهلها بالرس وهم يبحثون عن الفقـــع في الفيافي وطالت غيبته
وقالــت:
يالله ياموصل غريب بــــــــــــــلاده=يامجري سفن البحر فوق الامواج
تريح قلبي في مضنة فــــــــــــواده=ان كان ماطاوع بنا كل هراج
امي توصيني تقول الجــــــــــــلاده=وقلبي اذا جا طاري البدو ينفاج
سويت لك ريش النعايم وســــــاده= والبطن لك ياقرم الاولاد مسهاج
مودع على المطران كدرا عجاجه=هجيجهم من بين ابانات وسواج
خلا المريخي طايح في مداجـــــــه=وخيالة الجبلان راحن مراج
وقد قالت الشاعره ترثي جديع بن هذال امير قبيلة عنزه عندما سمعت بقتله قرب جبل يسمى كيــر في نجــد وتلوم رفاقه الذين لم يستميتوا من اجلــه
تقول مويضي:
ياكير لامرت عليك المخاييـــــــــــل=في قاعتك ياكير حل الذباح
هليه ياوضحا دموع هماليـــــــــــل=على عشيرك يم ضلع البطاح
لومي على اللي يلبسون السراويل=ماعفتوا ارقابهن يوم طاح
خلوه بوجيه العصاه المغاليـــــــــل=وراجواعليه مغلبين الرماح
اخذ حلاوتها جديع بن منديــــــــــل=وخلا الغثا لرباعته واستراح
وســـــــــــــــــــــلامــــــــــــــــــــــــ ـتكم
اخوووكم ابونــايف الوعيـــــــــلي