يالله ياعلام ماكان في الغيب

[محمد نادر سويد]

[FONT="Comic Sans MS"][SIZE="5"]السلام عليكم ورحمة الله وبركاته
اخواني الاعزاء..
اضع هذه القصيده المتواضعه بين ايديكم
عسى ان تحوز على رضاكم


يالله ياعلام ماكان في الغيب = ياللي لك الدعوه ومنك الاجابه

يامثبت (ن) الحق حق(ن) بلا ريب = والعبد يوم الحشر تنشر كتابه

افرج لمن قلبه غدى به لواهيب = احرق ضميره قو حر إلتهابه

الهم في صدره غدى له مضاريب = زود على حرق الضماير عذابه

لاطاب نوم ولاهنالي مشاريب = والزاد مايعلق فؤادي نهابه

اشاهد النجمه الين انها تغيب = واراقب هلال الشهر مع حسابه

من زان له وقته مشى له على الطيب = ومن خالفه وقته يشاف الردى به

يلومني خبل(ن) على فضوة الجيب =و ادخل علي في حر مالي طلابه

يبغالي الهونا وكثر العذاريب = يقطعك رجل(ن) مايبر بجوابه

يقول صر المال وسط السراديب = واحرص عليه إلين يكمل ان صابه

حيثه ردي ماطرب للمواجيب = ولايحسب حساب الخوي والقرابه

هو مادرى ان الضيف عند الاجانيب = فيما لقى عندك لربعه حكابه

مايدري ان الطيب راس المكاسيب = قولة نعم لرجل طيب وذرابه

عند الرجال اللي تعرف التجاريب = بالمال ولا عند فك النشابه

واقول للي يكنز المال ويجيب = يظهر انذوره قبل يفنى شبابه

تراه ماينفعك وقت المحاسيب = لازبرو من فوق قبرك ترابه

وتحيتي للمنتدى والمعازيب = للمنتدى اللي كلنا في رحابه

وصلاة ربي عد ماجى وماجيب = واعداد ماهل المطر من سحابه

على نبي رتب الدين ترتيب = دين(ن) مشوا معه السلف والصحابه
وسلامتكم[/SIZE][/FONT]

[الغروب]

مايدري ان الطيب راس المكاسيب = قولة نعم لرجل طيب وذرابه
عند الرجال اللي تعرف التجاريب = بالمال ولا عند فك النشابه
واقول للي يكنز المال ويجيب = يظهر انذوره قبل يفنى شبابه
تراه ماينفعك وقت المحاسيب = لازبرو من فوق قبرك ترابه
وتحيتي للمنتدى والمعازيب = للمنتدى اللي كلنا في رحابه

الشاعر / محمــــــد نادر سويد

صح لسانك وصدقت فيما قلت ابيات موضوعها رائع ونظمها اروع

شكري وتقديري

[محمد نادر سويد]

الاخت .. الــغروب

صح بدنك

واشكرك مرورك

المشرف

تقبلي تحياتي

مــحــ النادر ـــمـد

[خالد ركيان]

قريت قافك ياعريب المناسيب === واعجبني اللي سجله واعتنااابه
ينقش على صم الصفا مابها ريب=== وتعرف حبك وسبك حرف الكتاابه

صح الساانك ولاهنت على القصيده الجزله
جزله من جزل يا استاااااذي
واقبل تحااااااااااتي

[محمد نادر سويد]

الاخ خالد اركيان مبروك عليك الشهر وصح

بدنك وتسلم على المرور المميز

وعلى المجارات لاهنت وهذ من طيبك

ومن حسن اخلاقك

تقبل تحياتي

اخوك

[مسفر مبارك]

صح الله لسانك وصحت يمين كتبة القصيده ولك تحياتي