الشرّ ذقته ولا ذاقه ..!!

[مسعطر]

الشاعر عبدالرحمن ابن أحمد السديري رحمه الله ,,

يوجه القصيدة لصديقه الشاعر عمير ابن زبن ابن عمير ,,

و يشتكي له من ما حصل له فالسوق ,,

و اترككم معها :

يا ليتي ما دَخَلت السُّوق = ولا تِجوّلت بـ /أشناقه
فيه الحلا و البلا و العوق=مَن شاف ما شِفت بَه عاقه
بأدناه و أقصاه حدر.. ْو فوق=الطَّير تَبْلَش إبمسباقه
مرفُوق و اصابني مَطْفُوق=و انا بَعد حالي إرقـَـاقه
اقفيت و أدرَك علي بلحوق=او تفاعل الوَجْه بإشراقه
قال : ( أنت لو تِنْهَزِم ملحُوق )=و الموت مِن مَبْسِمَه سَاقه
وقَفْت ماقْدَر على المنطوق=و العين للدَّمع دفَّاقه
وإحترت في خلق هالمخلوق=لاهي غَليظَه ولا إدقَاقه
أدعَجْ غَنَجْ وارد ٍ مفهوق = سِبْحان مَن صوَّر أخلاقه
بغيت عِرفْه إبليَّا ذوق=ْو صُفْح.. ْو خلاّني إحراقه
و أصبَحت قلبي مَعَه مسروق=يا عمير وِسقني اوسَاقَه
أنخاك .. و انخى إثبيت او روق=حمّاية الوَجه و السَّاقه
دوَّر لي الجادل المنتوق=فريدَت الوصف عِملاقه
لا شِفْت لِك جادل ٍ مَرْمُوق=يا عمير عزَّي الـ /عشاقه
خلاّني اخيل بس إبرُوق= و الشَّر ذِقْتَه ولا ذاقه
لو جاز عِرفه .. هَجَرت السُّوق=ولا ترَدَّدت بـ /أشناقه

و سلامتكم

[على دروب الغانمين]

ومن قال سالم طال عمرك

وصح لسانك و لسان الشاعر عبدالرحمن ابن أحمد السديري رحمه الله

[شيخة الغلا]

][مسعطر][ صح لسانك واختيارك وصح لسان شاعرها لاهنت

[عليل المحبه]

أدعَـجْ غَنَـجْ وارد ٍ مفهـوق

سِبْحـان مَـن صـوَّر أخلاقـه

بغيـت عِـرفْـه إبلـيَّـا ذوق

ْو صُفْح.. ْو خلاّنـي إحراقـه

بري حالي

ياسلاام يامسعطر

صح السان / عبد الرحمن السديري

وعساكتسلم على النقل..

[العـــسر]

خلاّنـي اخيـل بـس إبـرُوق
و الشَّـر ذِقْـتَـه ولا ذاقــه
لو جاز عِرفه .. هَجَرت السُّوق
ولا تــرَدَّدت بـ/أشـنـاقـه


الله الله


لاهنت يا مسعطر




إختيار جميل جدا




الله يرحم السديري وجميع أموات المسلمين




تقبل شكري وأمتناني

[حــســن الــعــذاب]

ومن قال سالم طال عمرك

ولاهنت أخي مسعطر على نقل القصيده

وصح لسان الشاعر عبدالرحمن ابن أحمد السديري رحمه الله

دمتم بحفظ الله

[بقايا حلم]

لو جاز عِرفه .. هَجَرت السُّوق
.×.×.ولا تــرَدَّدت بـ/أشـنـاقـه
.
×
.

الله عليك وع هالاختيــآر الرآئع من قصـآئد شاعر فذ " عسى الله يرحمه "

لآهنت وسلمت ع هالطرح

[خالد وبس]

القلب الخضر وما يسوي
صح السان شاعرها .. وتسلم يمناك يا ناقلها



والف شكر يا ذوق ..!



تحياتي

[shmoo5_ al_ajmy]

ومن قال سالم طال عمرك
ولاهنت أخي مسعطر على نقل
وصح لسان الشاعر عبدالرحمن ابن أحمد السديري رحمه الله
تقبل خالص الود والتقدير

[مسعطر]

المشاركة الأصلية كتبت بواسطة لليمين در

ومن قال سالم طال عمرك

وصح لسانك و لسان الشاعر عبدالرحمن ابن أحمد السديري رحمه الله

مرحبا و مسهلااا يا طويل العمر ,,
مرورك يشرفني و يشرف موضوعي ,,
يا مرحبا ,,