الله لايمسيكم الا بالخير والعافيه
اخر ماكتبت ........
صلو على النبي,,,,,,,,,,,,,,,,,,,,
بعض المواقف تمثـّلني وتَحكِيني=وبعض المواقف جثث ماهيب منبوشه
يالله مسا خير واركد لا تخليني= افقد اعصابي ترى الاعصاب مجروشه
وانته لحالك تموتني وتحييني=مبطي وروحي سبب فرقاك مربوشه
البعد والشوق والحرمان معميني=بالمختصر والله اني ضعت بالطوشه
مابين قلبي غديت وبينك وبيني=بعض المفاهيم مجبوعه ومحشوشه
قلبي وهو قلبي اصبح مايدانيني=لانه هواوي وخبش وشُوشتَـه شوشَه
يحسب جميع البشر متولعه فيني= ويحسب درورب الهوى بالورد مفروشه
وانا اتركـّد واركـّز واسبر بعيني=واتعب على اصل الغلا واكب مغشوشه
ولاّ لو اني أبي المغشوش يمديني= ترست بيت الغرام وسطحه وحوشه
العقل زينه وانا عقلي مقـدّيني=وخلط المشاعر تحط الرجل في غوشه
ومادمت انا ابني الغلا والحب يبنيني=مالي ومال الزمان وكثرة اخبوشه
من يوم شفتك ياوردي يارياحيني=والقلب فاقصى الحنايا حط لك كوشه
ملكتني ملك من راسي لرجليني=وامطار حبك على المعلوق مرشوشه
حلاك عن باقي الخفرات مغنيني= ومنظر غلاك أرسمه وازخرف ارتوشه
والله والله ان كلك انت تعنيني= وان صورتك في محيط القلب مخشوشه
يافرحة العمر يامستقبل اسنيني=القلب ماهو بلعبه كلـّن ينوشه
وان كنت خاين عسى الله مايعافيني=وان كنت كاذب عساني الرزق ماحوشه
سميتك أغلى القصايد في دواويني=وابياتي لحضرتك ماهيب ملطوشه
الشعر يفخر بقيفاني ويغليني= مثل مايفخر بضيدانه وعلـّوشه
لاشاش راسي وطارت بي شياطيني=خليت لك ساحة الشعـّار في دوشه
عقبه تبسـّم ومد ايديه ليديني=ومدري وش اللي حصل فالليل ودغوشه
ثم قلت حاجه وهو ماعاد يوحيني=أطيب انواع المحبه قبلها هوشه
سوالم