ياوجودي كل ماهب نسناس الشمال

[ذيب القوم]

ياوجودي كل ماهب نسناس الشمال %% وجد من حدّه زمانه على اللي مايبيه
وياوجودي كل مااغفيت ثم مال الظلال %% لاغفت عيني ولاذقت شيٍ مشتهيه
وجد من قفـّـى وهو في رجا كلمة تعال %% والتفت من عقب مااقفى ولحدن لدّ فيه
وياعذبي لادنـا الليل من روس الجبال %% وانتهى يومٍ من العمر ماعاد ارتجيه
وانتي ابعد من سما الحلم ووصالك محال %% يابعد من هلّ دمعي ضحى الفرقا عليه
ياغناتي لاتحسبين دمعي يوم سال %% ضعف والاّ خوف والاّ كــــذا والاّ كـــذيـــه
والله اني من رجالٍ يضدون الرجـــال %% لكن الحظ الردي ساق دمعي كـُـلـِــبيــه
والله اني كل مادار حوليك الجدال %% قمت كن الموت يشـّـــر على قبري يإيديه
والله ان قد لي وانا اصد لاجالك مجال %% صدّت اللي لاتضايق تذّكر قبر اخيه
ومن سألني قلت : مدري !! واذا عاد السؤال %% قلتله تكفى سؤالك ترى ماهو وجيه
وش تبيني اقول عمـّـاََ ترى ذبحي حلال %% والخطا منها علي صرت احبه واهويه
عذرها لو ماتعذر مثل واضرب مثال %% واحدن مايعرف الحر الأشقر يشتويه
وان رجعنا للتواصيف لله الكمال %% لاانتهى ليل المزايين جاتك تبتديه
كنها غفلٍ مع البدو طاويها الحيال %% مايميز وصفها الاّ نبيهٍ من نبيه
واعزتي للي سواتي عشق مالا يطال %% ويوم طاله ضيـّـع الحلم بين أمه وابيه
يااول احلام الطفوله على حد الخيال %% الرجا بللي حمى البيت من حملة بريه
حال دونك سيف عنتر وتاسع حول حال %% باثر حولٍ حال دونك وانا ادعي هيه هيه
هيه يللي غرك الحسن واطغاك الجمال %% والله ان اموووووووت ماشفت لاوصافك شبيه
لو يسام الحسن والتيه بجنيه وريال %% مابقى في سوق غيرك لا ريال ولاجنيه
كيف اهدك للمقابيل وانتي راس مال ؟؟ راس مال ومال والماال مايعطى السفيه
حافظك حفظي لعيني ورمشي لك جلال %% وانتي تشحـّـين بالما وانا شفـّـي مويه
شايفن ظلمك وساكت وطال الليل طال %% لاتركتي طعن قلبي وانا ماقلت ليه ؟
شايفن ظلمك وساكت وطال الليل طال %% لاتركتي طعن قلبي وانا ماقلت ليه ؟
لو بقا للهيل صبرن على فوح الدلال %% مابقى للقلب صبرن على شيٍ يجيه
كنت احسب ان الغلا زال واثره لايزال %% في الحشا ماكنه الا دخيلٍ في وجيه
ساقني حبك على الموت وسنيني هزال %% والظروف اقسى من الظلم للعرض النزيه
وانتي تسوقين عقلي على حد الهبال %% تحسبين ان من بغى شي يقدر يشتريه
والاّ انا ياوجد حالي وجودن مايقال %% وجد من ضحى بغاليه لرضا والديه
وياوجودي يااول العمر قبل ألبس عقال %% وجد من باع آآخر العمر في رغبة ذويه
وياوجودي كل ماهب صوتشششش من شمال %% وجد من حدّه زمانه على اللي مايبيه

لشاعر : ضيدان بن قضعان

وسلامتكم حميعا

[ابومحمد الشامري]

لا هنت يا السنافي على النقل الرائع صح لسانك ولسان ابن قضعان.

ابوحمد الشامري

[فهد بن محسن]

لا هنت ياذيب

نقل موفق .. وقصيدة اكثر من رائعة .. كيف لا وهي للشاعر ضيدان بن قضعان

تحياتي لك

اخوك\ فهد بن محسن

[ذيب القوم]

ولانتو ولانتو

الله لايهينكم علاا المرور ويعطيكم العافيه



تحياتي لكم


عبدالله اللزيزي

[محمد]

لاهنت يالذيب وصح لسان قايلها

[عبدالله الوعيلي]

ياغناتي لا تحسبين دمعي يوم سال ** ضعف ولا خوف ولا كذا ولا كذيه
والله اني من ارجال يضدون الرجال ** لكن الحظ الردي ســاق دمعي كلبيه

الله عليك يا ذيب القوم
عاد ذي القصيده قصيدتي المفضله لشاعر ضيدان بن قضعان

لاهنت يا ذيب القوم
وصح السان ابن قضعان

[ذيب القوم]

الله لايهينكم جميعأ علاا الرد والمرور


ويعطيكم الف عااااااااااااافيه


تحياتي لكم

[عايض ال مطلق]

لاهنت ياذيب القوم

وصح لسان الشاعر ابن قضعان

احببت نقلها لقسم المنقولات ورفعها ليستمتع بها القراء

تحياتي

[مهرة النسيان]

لاهنت ياذيب القوم
رائعه من روائع الشاعر الكبير ضيداااااان
يسلمووو على النقل

[الخديدي]

لاهنت ياذيب القوم وصح الله لسان ضيدان...
تقبل مروري