قصيده الشاعر :محمد العازمي في وصف القبايل

[مناحي السفراني]

بسم الله ابدي وابتـدي نظـم قافـي
ابيات شعـرن مـا عليهـا خلافـي
من راس رجالـن كريمـن سنافـي
للمنتـدى بذكـر جميـع القبـايـل
ابدي بربعي مزبن الذيـب والطيـر
عوازمـن وقـت الملاقـا مغاويـر
كـل العـوازم كلبوهـم مناعـيـر
شجعـان ربعـي طيبيـن الفعايـل
يا الاد عازم يـا طويليـن الايمـان
ذباحتن للشيخ فـي وقـت الاكـوان
حنا العوازم من هـوازن وعدنـان
ولاقول قصره في عيـال الحمايـل
وعشان ما يحسب على طرقنا عيب
ابذكر اللي شفـت بالمنتـدى جيـب
ما هو بتقصيرن لمن ذكرهم غيـب
والنعـم والله فـي جميـع الحمايـل
ابذكـر السبعـان ذربيـن الايمـان
ريف الركاب موكلـه كـل جيعـان
لا ثـار دخـان المعاديـن فرسـان
ما شفت بالسبعـان رجـال مايـل
وابذكر سهول الجزيـره الكريميـن
رجال في حـق المسيـر مواريـن
ولا ثارت الهيجا سعـوط المجانيـن
ما قلتها من غيـر عـرف ودلايـل
اما الهواجر ياعرب مسند الضيـف
ما كد زبنهم سايلن ما لقـى ريـف
ووقت الملاقا مشبعيـن المراهيـف
تعجبك فزعتهـم ليـا حـال حايـل
وان جيت ابذكر مشبعين المعاطيـش
عتبان في وقت الملاقـا مغاويـش
كعام من يدخل على راسه الطيـش
فـي حقهـم مـا يسعفنـي مثايـل
وابذكر المطـران حمـر النواظـر
تاريخهم معروف ماضي وحاضـر
رجالهـم وقـت الشديـدات حاظـر
مطران ما ياطـون درب الفشايـل
ومن عرضها بذكر رجال الخوالـد
تاريخهـم بالطيـب حافـل وخالـد
ترثت صحابي نعـم بعيـال خالـد
نقالـت الرايـه علـى كـل عايـل
وايضا ابذكرلـي رجالـن مشاكيـل
كل عنزه شجعان وايضـا حلاحيـل
تعجبك فزعتهم على العدل والميـل
قروم نسـل قـروم يانسـل وايـل
ثم اذكر العجمـان سقـم المعاديـن
وقت الملاقا ما دخـل قلبهـم ليـن
خطلان الايدي للطويلات ضاريـن
عجمان قبلـي جابهـم كـل قايـل
وابذكـر المـره رجـال الحرايـب
عـون الرفيـق مزبنيـن الركايـب
لا هبت هبـوب المراجـل هبايـب
رجالهـم للنـاس مضحـي وشايـل
واذكر بعـد ربـع السلـوم الوفيـه
دواسـرن شجعـان والنـار حيـه
الدوسـري قرمـن يشـرف خويـه
ووقت الملاقـا يردعـون الهوايـل
ثم اذكر الظفـران بالفعـل نومـاس
وترى الظفيري ياعرب حر قرنـاس
لطامتن للـي يجـي فيـه هوجـاس
ظفران وان عديت عـرب السلايـل
وابذكر من الطيب ذكـر القحاطيـن
رجالهـم كاسـب بكـل الموازيـن
وان جت للفزعه رجالـن سلاطيـن
والقول في حـق القحاطيـن طايـل
ثم اذكـر رجالـن قرومـن طنايـا
شمـر ليـا ثـارت كـرام اللحايـا
واكرامهم للضيـف حطـوه غايـه
تشهد على ما اقـول بـدوان حايـل
وابذكر رجالـن كرامـن حرايـره
بني تميم ان كـان ثـارت جسايـره
ترى التميمي مزبـن اللـي يخايـره
نعميـن منهـم طيبيـن الفعـايـل
ثم اذكر حروب الجزيـره سنـادي
اللابـه اللـي يكعمـون المـعـادي
خويهـم يحشـم ولا هـو بـغـادي
نسل الكـرام مزبنـت كـل سايـل
واذكر بعد بالطيب والجود زهـران
لا ثـار دخـان المعاديـن شجعـان
خويهـم مـا ظنتـي نـام حيـران
وعندي على ما اقول عرف ودلايل
وان جيت ابذكر ثرثت الجود والطيب
فضول دايـم حافظيـن المواجيـب
واللي يعاديهم غـذا حظـه معيـب
شجعان والعربـان جايـل وصايـل
واذكر بعد من عرضها ذكر غامـد
رجالهـم وقـت الشديـدات جامـد
نعميـن منهـم طيبيـن المحـامـد
من اطيب العربان عـون الدخايـل
ثم اذكر رجـال الحجـر والعزيمـه
اللي لهـم بالطيـب والعـز شيمـه
عدوهـم مـا نـال منهـم غنيمـه
نقالـت الرايـه علـى كـل عايـل
واذكر بعد من عرضها ذكر البقـوم
وقت المراجل عدهم عـون وقـروم
شجعان بالميدان مـا فيهـم رخـوم
تعجبك فزعتهـم ليـا حـال حايـل
ومن عرضها نسل الرجال المناعير
رشايده في نحرهـم يشبـع الطيـر
ما يذكرون الا على الطيب والخيـر
رشايـده لا حـال بالجـو حـايـل
واذكر بعد كـل العوايـل ونعميـن
مانـي بناسيهـم رجالـن كريميـن
اكثـر عوايلنـا تراهـم عريبـيـن
والنعـم والله فـي جميـع العوايـل
واخص في قولـي سـلام وتحيـة
لابـو فهـد رجـال زبـن الونيـه
لا هنـت ياراعـي السلـوم الوفيـه
بالمنتـدى جمعـت كـل القبـايـل
وكلمة شكر في حق رجال زيـزوم
جابر ولد هايف ومن نسل شغمـوم
ياصاحبي لا هنت يانسـل القـروم
مثلك بوقـت المـدح للمـدح نايـل
محمـد بـن عبيـد قـدم عذايـره
للي مـن العربـان غابـت ذكايـره
ما هي بمقصوده ولا هـي حقايـره
والنعـم والله فـي جميـع القبايـل
بختامها صلـو علـى سيـد النـاس
المصطفى المختار من جملة النـاس
اللي بعثه الله علـى مجمـل النـاس
تعداد مـا تبـرق بـروق المخايـل

[عتلي وافتخر]

بسم الله الرحمن الرحيم

السلام عليكم ورحمة الله وبركاته

شكراً لك اخي الكريم على هذا الشعر الجميل

الشعر روعة و ممتاز وفوق التميز .. والصراحة انت شاعر ممبدع بمعنى الكلمة

واتمنى لك كل التوفيق .. وللأعلى دائما

تقبل تحيات اخووك: العتلي

[محمد الشامري]

صح الله لسانك يامناحي ولسان شاعرها

ولاهنت على سرد القصيده

وجعلك ساااالم

[مناحي السفراني]

مرحبااااااااا لا هنتو على المرور
عتلي وافتخر ـ محمد اليامي

[شبااابي]

صح لساااانك

[مناحي السفراني]

صح بدنك لا هنت شبابي
عللى المرور

[خــالد الفطيحــي]

لا هنت على ذا القصيده
وصح لســــانك

[مناحي السفراني]

ولا انت اخوي خالد الفـــطـــيحي