اقول لزماني ما ارخصوا قتلي اهل الجور= وهو يقول لولا يام كان ارخصوا قتلك

[ابو مسفر]

يا شعار الارض البارحة في كولالمبور= تمترك مسالك القدم مسلك(ن) مسلك
قدح قبل شوف النور بارق وبعد النور= تحنحن رعد واسترخص الريح واستحلك
نهار لا غرد فيه قمري ولا عصفور = كن الغيم قربة ماء في يدين مستهلك
يا راعي البعير وناقة الحاشي المقهور = رفيق الشموس الا ارتكز في الضحى ضلك
لو انه يجي جية معزي بدون سبور = على نجد يوم الله مكنه على عجلان واستملك
ترزم على ارض الجزيره ندى وزهور = ترزام بكر ودك انها على فحلك
يفرج عليك وينشرح وضعك الميسور = ما تصرف من الراتب ريال في طعام ابلك
نسانيسها اعذب من قصايد ابو منصور = يرد الحياة في شكل ذودك ومن شكلك
لاكن يامال فرقا العين يا الخايع الممطور = لو ان شرذمة ابناء العروبة توجد لك
خضارك ما يحسب لي لاكن للطبيعه دور = مثل شعري اللي فيك لاكن ما يحسب لك
لو انك على نجران ولا عدود الخور = او بوادي العجمان كان اتشفق لك
زماني زماني والظليمة تفج نحور = عسى موتتي مظلوم لو فاتني عدلك
لو ان الخلل في اهلك يعالجهم الدكتور = لاكن الخلل في صرفتك ماهو فأهلك
يا ذيب استرح وانت المبندق وراعي الكور = وانا الطرقي اللي يسبر اخطى قدم رجلك
الى وزعت الادوار باكفيك بأية دور = اعرفك جمل حمله لاكن هاتلي حملك
انا الشاعر المتواضع بعنف والمغرور = الى قالوا الحساد وقف وجهدك لك
ما يزعجك غير اللي يجي في لاخر الطابور = يسولف مع العالم بعينه وقلبه لك
بعيد(ن) على الاوان والجبس والديكور = اذا تمتلك الابداع الابداع يصنع لك
وانا ماني بشاعر صنع منه الجمهور = دعاية انا اصنع جماهير لين املك
احاسيسهم بشعور ولا بدون شعور = لو انهم بنادق كان ثارت قبل تفلك
ياكم قدلك من الشعر يا الشاعر المشهور = يقولون خلق الله والى قيل كم قدلك
اقول لزماني ما ارخصوا قتلي اهل الجور= وهو يقول لولا يام كان ارخصوا قتلك
على يام واقصى يام قبل الدمي تفور = سلام(ن) يا براق السحايب مثل وبلك
انقحه من منظور والقية من منظور = ولا من المألوف ولا بمستهلك
هم الصاملة لا كذبت طلقت الشرشور = والى كبرت الاقدار تاقف وتكبر لك
لهم يبرك التاريخ وما حوى مأمور = بروك الضوامي عند عد الروى المحلك
اهل بيت شعر(ن) في ربى وادي معمور = كأن ضو راعية لشبة تصوت لك
واهل منصب(ن) عالي واهل جاه واهل قصور = على العز متسيس بناها بلك ابلك
وانا ودي اسولف عليكم وانا مكبور = وقبل ما تقولون ابن حثلين رخص لك
تراها من اقصى القلب ما هي من الحنجور = وانا اصخيبها واصخي بكفي وما تملك
أي بالله على الايام والعاذلين قصور = بعيني انا وش ليبك وانت لي وشلك
يا كم حادثة مذكورة ووقتها مذكور = يا عدادها قلي على عدها كم لك
سمعنا من اهل الحل والعقد واهل الشور = الايام يوم(ن) ماهو ابلك ويوم(ن) لك
تضيق المسالك في عيون العمي والعور = وقوي البصيرة وكل درب(ن) وله مسلك
خلفاتنا الشخصية امر(ن) من المحضور = هذا يوم وقفلي بعزة ووقف لك
صدور الرجال اسرار وانتوا وساع صدور = ولا سامحت من علمك ولا كابرت من جهلك
ورفيق الرفيق حزام حقو(ن) ما هو بيبور = لو ان بينك وبينه من الكره ما يهلك
اذا ما غدى بطانك وسيع وطويل شبور = فلا انته بفازعله ولا هو بفازعلك
هذا الوقت كل(ن) شيخ نفسة لاكن الامور = اذا كبرت ما ترضى بكل ورع(ن) يتشيخ لك
صحيح ان بعض الاعضاء لا وقف يدق الزور = تكسر عض مصدرة كثر ما يتمدح لك
لا جيته بعد انتخابه بخمس شهور = يا طيبه لا وقف ورد التحية ووقف لك
والاعضاء مثل لعيبة الكورة اللي تدور = جماهيرها تصلح لها مثلي ومثلك
عضور يقدر يهدف ويصلح وذا مخبور = وعضو لاهو بمهدف ولا مصلح لك
واذا مثلك من ربعك النادر المنعور = تحيزم له الى الزند لو ما تحيزم لك
واسوق العذر لأعضاء القبيلة وانا معذور = يا راسي مجيي للقبيلة ماهو بلجلك
عسى سعينا لامن سعينا فقط مشكور = وعدا ذالك المقسوم لا بد يقسم لك

قصيدة للشاعر: محمد ابن راشد ابن الذيب


اتمنى ان تحوز على رضاكم

[ناثرة الورد]

.. السلام عليكم ورحمة الله وبركاته ..

{ شُـكـرت لـروعـهـ الاختيار
لا حُرمنا روعهـ جديدكـِ الراقي ..

دمـت بهـذا التميـز ~

[ابو مسفر]

شكرا على المرور ناثرة الود


بصراحه اسرع رد في العالم وانا توني انسق في الموضوع واضغط على حفظ التغييرات وطلعلي ردك

[هادي بن فهاد]

الله الله

لاهنت يا ابومسفر على النقل الرائع

وصح السانك ولسان شاعرها

تقبل تحياتي

[عاليه الاخلاق]

يعجز اللسان عن الكلام امام هذا الابداع الشعري الذي هو اجمل من جميل ... صح الله لسان شاعرها ولاهان ناقلها

,

,

,

ماأقول الأ يعطيك العافيه وننتظر جديدك ...

[king الوادي king]

اله لايهينك على النقل يابو مسفر وبيض الله وجهك

وابن الذيب غني عن التعريف

[المااسه]

صح السانك والسان شااعرهاا..
ولاهنت على النقل والله يعطيك العاافيه..
وناطرين جديدك..

[ابو مسفر]

المشاركة الأصلية كتبت بواسطة HADI_KW

الله الله

لاهنت يا ابومسفر على النقل الرائع

وصح السانك ولسان شاعرها

تقبل تحياتي

ارحب يا هادي وشكرا على مروورك

[ابو مسفر]

شكرا على مروركم.