الايا الله بحسن الخاتمه فالقول والاعمال
اليامـن القوافي روحــــــة صـــدرتها بالحال=اوردهــــــــا واصدرها وهزلاها نخليها
ادونها بفكـــري عقب مــاتركب علــى الموال= واسندها على رجلن يعرف اعلوم راعــيها
ابنصى من تنومسني اعلومه والرجال ارجال=وبعض الناس مرضانه عجز دكتورها فيها
مشاكلها سوالفها مجالــــــــس بين قيل وقال= مجالسها كثيره بينه ونعرف اهـــــاليها
اجنبها وادور طيبن مـــــــــــن طيبين الفال= عريبين الجدود امـــــن الكرم تندى يمانيها
حرارن صيرميه تسكن العالـي خــشوم اجبال= عشاها امــن السهل والطايره تلزم علابيها
ابشــري خــوة الطـيب وجنب خـــــوة الانذال= اهــــــــل ذيك الوجيه البارده كــــلن يهبيها
اقوله واحتسي للمرجله فوق القياد اعقال=وفالدنياء مواجيبن محا الله من يخليها
اقوم ابها وجسدها ولااسمــع هرجـــة العذال=علـى سلم الجدود اللـــي عــريباتن مجانيها
بثوب العز افاخر واعتزي بالجــد هو والخال= وانا رجلن مسمى والرجال اتعرف اسـاميها
على وضح النقاء ماجامل النصاب والمـحتال=ولاثق بالضعوف اللـــي مـزيفتن عـــزاويها
مثل ناسـن تبرى عنك لاحـــدك شهاب الـلال= وهــــــــي وقت العوافي تلزم الدنياء بذانيها
عساهـا للهدام ابيوت مــــافيها ذراء وظـلال= تهدم فـــــــوق اهلها اللي تطاول في مبانيها
علامــــــات القيامــه بينات لتالـــي الاجيال=ولا يعلم بها الا الله وهذي مــــــــــن مواريها
الا يا الله بحسن الخاتمه فالقــول والاعمـال=وصـلات الله على سيد عباد الله وهاديها
الشاعر : عامر الحجرف
التعديل الأخير تم بواسطة : فهد بن محسن بتاريخ 09-03-2006 الساعة 04:30 PM.
|