والله ما يرفـع ضغطـك إلا الـمهابـيل

[مسفر مبارك]

هذي طبوعي كل ماعسعس الليل
أصلّـح الدلـة وأجـر اللـــــــــحونـي

بريـةٍ موزونـة البـنّ والهـيــــــــــــــل
والماء بوزن وحيّ هاك الوزونـي

منهـا تكيّفنـي ثلاثـة فناجـيـل
وأرتاح ويطير السهر من عيونـي

وأراجع الذكرى وأجـرّ المواويـل
والذكريـات بكـلّ شكـلٍ ولونـي

البعض منها يشرح الصدر بالحيل
والبعض لا والله يجـدد طعونـي

وأرجع وأفكّر في الليال المقابيـل
لعل وقتـي مـا يخيّـب ظنونـي

وأدخل على الله من حياة الغرابيـل
حيث إن همّي ما تشيلـه متونـي

كنّك مفصّل فوقي الهـمّ تفصيـل
لين إلتبسني مثل لبـس الجنونـي

حالي كما حال القلوب المشاغيـل
اللي من أطرف شـيء يتأثّرونـي

لو يشتكون الغبن والجور والميـل
للغيظ وسط صدورهـم يكتمونـي

فكّرت الا الموضوع يحتاج تحليـل
وفنّ الدراسة واحـدٍ مـن فنونـي

عرفت وش عكّر مزاج المشاكيـل
يوم إنهم مـن وقتهـم يشتكونـي

أول سبب: نقالـة القـال والقيـل
الطغمة اللـي جعلهـم يذهبونـي

قلوبهـم بالحقـد سـودٍ مغاليـل
ومن طبعهم بالمشكلة يفرحونـي

وثاني سبب: ناسٍ على مثل ما قيل
لا يقطعـون الشّـر ولا ينفعونـي

والله ما يرفع ضغطك إلا المهابيـل
العالم اللي في النحـر ينشبونـي

وثالث سبب: ناسٍ سوات المخاييل
على سلوم الطّيب ما يحرصونـي

خلّو سلوم أجدادهم رغو مع سيـل
وفي عالم التقليد جو يركضونـي

طشّوا عمايمهم ولبسـوا بناطيـل
والموس فال أشنابهـم والدقونـي

وأرقابهم ما سلمت من السلاسيـل
تطبّعوا بطبـوع هيـم البطونـي

في ذمتي ماعـاد باقـي رياجيـل
إلا القليـل وجعلهـم يثبتـونـي

صفّة بعد صفّة وجيلٍ بعـد جيـل
كلٍ من اللي قبله أنقص وأدونـي

هذي هي الأسباب من دون تفصيل
شرحت روس أقلام بس أعذرونـي

واللي يبي تفصيل بالحيل بالحيـل
يقـدر يكلمنـي علـى تيلفونـي

[مسعطر]

1




ابو مبارك ..

لأنك مبدع ولأن أول بيت من القصيدة أعجبني

لي رجعه أقراها برواقه

[يوران]

صفّة بعد صفّة وجيلٍ بعـد جيـل = كلٍ من اللي قبله أنقص وأدونـي

على قولة الشيبان كل جيل اردى من جيل


<< مخاويه الشيبان

واللي يبي تفصيل بالحيل بالحيـل = يقـدر يكلمنـي علـى تيلفونـي

شكل الشاعر احكاه واجد


بس مايمنع روعة القصيده


صح الله لسانك ولسان شاعرها


يعطيك العافيه يامسفر

ولاهنت على القصيده

[! شيخـــــة المنتــــدى !]

البعض منها يشرح الصدر بالحيل
والبعض لا والله يجـدد طعونـي

انشـــــــــــــــــــــــهد


صح لساااااااااان شااعرهااا ، وتسلم يمينك يامسفر على النقل المتميز
ولا هنت على الاختيـــــــار المبدع

تقبل تحياتي وجزيل اعجابي

حالي كما حال القلوب المشاغيـل
اللي من أطرف شـيء يتأثّرونـي

لو يشتكون الغبن والجور والميـل
للغيظ وسط صدورهـم يكتمونـي


أنا أشهد ..

بري حالي


صح الله لسانك ولاهنت ع الاختيار الروعه ياغالي ..

تقبل أجمل ضحيه للعيد

[محمد الغيثاني]

ابو مبارك لاهنت على القصيدة الجزله
صح الله لسانك والسان شاعرها

[الغروب]

خلو سلوم اجدادهم رغو مع سيل
وفي عالم التقليد جــويركضوني
< صدقت ... عزالله انهم مهابيل ... وليت القليد لايق عليهم!!! >

أخ / مسفر صح السانك كلمات تبرد القلب في جيل المهابيل

[الفرس]

تسلم على نقل القصيده ..


اختيار جميل ..


تقبل مني التحيه ...

[حـــوران]

خوش قصيــدة

وصح لســانك ولســان شاعرها

لاهنت يابو مبــارك على نقلها

[غـشـام]

أبو مبارك ..
سجّل إعجابي
ومروري المتواآآآآضع
هنا
غشّــام