الذيب والفضيلة؟!

[قمة طويق]

ارق الطويلة وارفع عـواك ياذيـب خل العرب تهتاج لعواك ليلة مزّع سواد الليل باقسى المخاليـب يمكن يجيب الصّبح وجه الفضيلـة إن عشت تلقاني بعـال المراقيـب ون متّ انا يا ذيب . من بتعوي له ما جاوبك بعدي شنيع المضاريـب اللـي علـى يمنـاه اركـى قبيلـه اتخيله القمرا ويختالها الشِيب و سود الليالي تحت نابه قتيله عزيز نفس ٍ ما يدوّر مكاسيب عواه حرّن والغذاء بقوّ حيله ولاّ الغنم تعلف بظلّ المشاعيب والذيب بديار الغنـم . عزتـي لـه دار ٍ تساوي بين عصْم الشواريـب وبين الهلايـم ذيـك .دار الفشيلـة ياذيب كم رجْل ٍ كسى راسه الشّيب ماحط له مربع براس الطّويله ورجل ٍ يشوف سهيل فيه المطاليب تلقى الثّريا نازله في شليله يشوم عن قاع الرّخوم الجلابيب ما شالوا الي كتوف قلبه تشيله لا عرّفوا حقّن ولا عيّبـوا عيـب والطّيب صاير عند احدهم وسيلـة وحنّا جِبلْنا طيب والتربيـة طيـب وفرعون ما حشّم هل الطيب نيلـه طاغوت عصره بالغباء والأكاذيب ورّد مصر للنّار من قوّ ميله ولا أنت ما يدخل على قلبك الرّيب و خيرات مصر بعين يوشع قليلة ما شفت من يقنب معك بالمكاتيب؟ يا قوّة الله لا عوى بالجزيلة همّه يسوق الناس يم عالم الغيب والخلق تروى من العدل / سلسبيله صحيح شاف الجور وقد ذاق تعذيب بس الصّبر زاده وجدّه دليله يشهق على شمّ الشّواهق بترتيب وفيه الجلد سبعة , خيول ٍ اصيلة وحده/ ولا رفقة عقول ٍ مجاريب خالي/ ولا زحمة نفوس ٍ ذليلة موته/ ولا سطوة يدين الأرانيب سمّه يسوس الرّوس روس ٍ عميله راسه / مع الجوزاء ورجله على النّيب و عزّة كوى كبود الدلابح بجيله يا ذيب هذا الوقت وقت الألاعيب مكر الحصاني سيطر بكل حيله تنزل على اللحية وتنزل لاشانيب متقصّفات ٍ خوف موس الهبيله الوقت هذا / لا يودي ولا يجيب منّه على كبود الذيابه / مليله الحق غادي والمبادي / مناكيب وموت الفتى فدوة / لعين الجليلة (ويا ذيب انا بوصيك لا تذبح الذيب) لو مات منّك وين / تلقى بديله لــ ماجد الزيد ،، ،

[محمد بن ناصر الغفيلي]

يا ذيب هذا الوقت وقت الألاعيب
مكر الحصاني سيطر بكل حيله

نص رائع و جزل جداً و معاني نبضت بالحِكمة وسلم راسك اختي قمة طويق عليها

تحيتي وجلّ تقديري

[قمة طويق]

لله دررررك اخي ... ويعيش راسك ... مرفووع ..
كن بسعادة وطاعه ,,

[على دروب الغانمين]

صح لسان الشاعر :ماجد الزيد

وتسلم يمينش على الاحتيار الرائع للقصيده الجزلة والمعبره

[قمة طويق]

لله درك اخووووي ....وتغتني يمناااااااااك ....لاهنت ..
كن بسعادة دوماً,,,