الفشخره......

[النـادر]

كثر الجدال وطال حول اسباب ضياع هوية الجيل واخلاقه

مساحه لرائي شاعر تحتاج الى اضاءات اقلامكم ...


..................... .......................... .............................

يقلون سم العقربه في ذنبها=والداب سمه تحت الانياب مدسوس
الله خلق لي عقل يدرك نشبها=والله عطاني من عطاياه بحسوس
وأعرف اميز فاللحا مع شنبها=وأعرف نظيف الحب واللي به السوس
بعض الرجال ان مامنعها نسبها=لاشك في عرقه من الخبث لاموس
وبعض الرجال ان ميلت ماصلبها=ماله على الطالات عزمه وناموس
وولد الحمايل لاطلبها طلبها=تاتيه عزمة كنها رمي نادوس
والبنت لامن ضاع منها ادبها=تلقى لها بين الحثلات دنفوس
يلعب معاها لعبة الحب سبها=وتصحى من اللعبه على عرض مدنوس
رقا بها فوق السحاب وغلبها=سيارة كشخه وجوال وفلوس
وبنت الحمايل دايم الدوم نبها=ماعضها جرذي ولا قرص ناموس
بنت ٍ عريبه ماتخيب عربها=الطهر والعفه لها دوم ملبوس
تلقا لها كفو ٍ يحقق اربها=يشقى عليها لو معاشه من الفوس
وتعيش حره عرضها ماثلبها=في عزة ٍ تحيا مع شمخ الروس
ويقلون سم العقربه في ذنبها=والداب سمه تحت الانياب مدسوس
قصة ضياع الجيل هذا سببها=سيارة كشخه وجوال وفلوس
يقولها (........)وبيده كتبها=الفشخره ماتبني عقول ونفوس

.....................

............

......

[الملكة]

الله الله..
صح لسانك ملايين..
قصيدة جزلة ووافية..
تنم عن خبرة وحكمه..
لاتحرمنا وجودك معنا..

[شبيب بن فنيس]

عز الله انك صادق

بس اشوى الي عندنا اشوى من الي داخل الكويت


لاهنت يا السنافي وصح السانك على القصيده

ولاتحرمنا جديدك

[النـادر]

الملكه

صاحبة المبادئ

سررت لانتثار العطر هنا

شكرا لك اخيه


وخير ان شاء الله

[النـادر]

شبيب

حالنا واحد يالقرم في كل عالمنا العربي

هوية مامن هوية ... ضيعه وفشخره

شكرا لك ياراقي


وخير ان شاء الله

[الشيخه]

اخى الكريم خير انشالله

صح اللسانك وقصيده تحمل عبارات رائعه

تقبل منى خالص التحيه

الــــــــشـــــيــــــخه

[عبدالله بن فهد]

صح لسانك اخي خير انشاء الله


والله يعطيك العافيه


تقبل مروري

[سعود الخويطري]

النادر


صح الله لسانك




قصيدة جزلة من جززل وسلمت يمناك




وتقبل سلامي واشواقي

[عـسـاه خـيـر]

مرحبابك يا الشاعر .. ولاهنت وصح الله السانك على هالقصيده الاكثر من رائعه,

[كفيل غلام]

النادر

اعّم الشعر وخاله بعد

فلسفه شعريه راقيه جدآ

النادر احب طريقتك في الكتابه

لذلك انتظر المزيد