الحب له سطوه وله جيش وجنود

[@صدى الاهات@]

صباح الخير اخواني وخواتي في ذا المنتدى المميز
غبت ولاكني عدت لكم من جديد ومعي من القصيد مايرضي خواطركم جميعاَ

وهذه رائع من روائع الشاعر
( مقرن بن متعب الهرف)

الحب له سطوه وله جيش وجنود =وسط الضماير غزوته ما خسرها
كنه فريق اول له الفعل مشهود =له هيبة تخضع رقاب سطرها
يامر وينهي والمحبين له قود =تنقاد في حكمه وغصب جبرها
ياما قلوب العشق قيّد بها قيود =واشعل فتيل الوجد سحره سحرها
يحتلها ويجعل بها زهور وورود =يبني بها ابيوته وشوقه عمرها
وياما عيون من الولهه دمعها زود =حرّك مدامعها واحرق نظرها
تسهر ليالي اجفونها عافت ارقود =ما تذوق طعم النوم طايل سهرها
جبار ساطي طاغي ماله حدود =في كل ديره رايته ما كسرها
هاذي سواته فالخلايق له اشهود =مجنون ليلى قصته من خبرها
يضرب بها الأمثال من وقت معهود =ماضي ومستقبل وحاضر قدرها

تقبلو مني خالص التحيه:

[عجمي و الوفا طبعي 1]

أبيات جميله وكلمات دقيقه

بارك الله فيش ولاهنتي على الجزله

[الفرس]

مرحبا بصدى ومرحبا بعودتك ..

صح لسان الشاعر ولاهنتي على الاختيار الذوق ..


تحياتي ..

[ناصر بن شذيان]

جبـار ساطـي طاغـي مالـه حــدود
فـي كـل ديـره رايـتـه مــا كسـرهـا
هـاذي سواتـه فالخلايـق لـه اشهـود
مجنـون ليلـى قصـتـه مــن خبـرهـا
يضرب بها الأمثال من وقت معهود
ماضـي ومستقبـل وحاضـر قدرهـا


@صدى الأهات@
صحت يمينش على النقل الجميل

كل الشكر لشخصك الكريم على الذوق
الأجمل من الرائع دمتي بود وتقبلي مروري
ودعتش الله

[بطاح]

صح الله لسانة ..



صحت يمينش على النقل صدى الاهات ..

[خالد وبس]

صدى الاهات


الف شكر على مشاركتك ، وانتظر القادم ان شالله

تحياتي لك

[يوران]

كنـه فريـق اول لـه الفـعـل مشـهـود = لـه هيبـة تخـضـع رقــاب سطـرهـا

روعه


صح الله لسانه ولسانش ياذوق


ولاهنتي على القصيده

[@صدى الاهات@]

مرحبا بك اخوي الغالي ابو شجاع

لاندمت إنشألله وتسلم على التواجد


تقبل مني خالص التحيه:

[@صدى الاهات@]

مرحبا (ن) الف يالغاليه وبش البقى ولاهنتي على التواجد الرائع
وخير من يشرفني ويسعدني تفاعله


تقبلي مني خالص التحيه:

[@صدى الاهات@]

مرحبا ومسهلا اخي الغالي ناصر بن شذيان

صح بدنك ولاهنت على التواجد الطيب


تقبل مني خالص التحيه: