ضيّقو صدر العبايه ووسعوا الأكمام..!!

[ليــه يازمـــن]

رسالتي هذه إلى كل أب أو أخ أو زوج غيور .. " كلكم راع وكل راع مسؤول عن رعيته "



العبايه عولموها وانفثو فيها السموم
من ملاهي الرقص جابوا فكر تخصير* العباة





ضيقوا صدر العباة ووسعوا طرف الكموم

ونزلوها لين وصلت آخر أكتاف الفتاة






بانت نحور الصبايا وانكشف شكل الهدوم
والغبية تحسبنها زايده زين وحلاة






والبراقع دلعوها لين عام الخد عوم
لازم القرضه توسع والكحل يلقى الحياة






طوروا شكل النقاب وصارت الدعوه علوم
صار شفاف(ن)يوضح خدها ويا الشفاة






وآخر الصرعه لثام(ن)يفتن الرجل العزوم
والفتن قالوا ضلاله للقلوب المؤمنات





وش علامك بنت حوى تستبيحين السلوم
أو مع خيلك ياشقراء بعضكم جنس البنات





قاهرتهم هالعبايه مايبون الستر دوم
جدهم علمان يعني لاصيام ولاصلاة





حطوا إن البنت سلعه وغلفوها بالهموم
وارفعوا شعار(ن) ينادي للحقوق الضايعات






من ظلمها والبدو لاصاحت الحرمه تقوم
قايمه تحت المعادي لجل عين الشامخات






من ظلمها يوم قام المعتصم من عز نوم
قال وين الكافر اللي يستبيح المسلمات






ثم ذبح لجل شعرتها من العدو كثر النجوم
قال هذا حق منهو يستذل الطاهرات






نكسوا ذاك الشعار ولملموا باقي السهوم
يكسر الخاطر سهمكم لاضرب في مدرعات





بيتكم لاصار مبني داخل البيت مهدوم
وبيتنا صوم وصلاة وحج وأشهد الزكاة






,, إتركيهم يابدويه وخلي اللايم يلوم
وسعي خصر العبايه واكرمي بالمكرمات,,






وإن رفعتيها لراسك أصبح الراس محشوم
العبايه فوق راسك حشمه وطيب وثبات






وماعليك من اللئيمه تحاول تقلدك يوم
لبست البرقع ولكن حن عرق الماجدات






بحنكها ألفين دقه مدري ألف من الوشوم
أو تراه ألفين خكري يكتبون الذكريات





ولابغت تكتب قصيده قافها هو قاف يوم
(يوم يابايوم يابا)جاك عرق الراقصات







جت تقول إني بدويه قلت أنتي وجه بوم
إعقبي منتي بدويه ..أنتي جزء من الحصاة





يابدويه لايغرك بعض غربان(ن) تحوم
أنتي فوق الكل أنتي فوق روس النايفات






أنتي يوم الحرب دارت والمعارك (قوم قوم)
عانقت عزوات أخوك صوت ضرب المرهفات






إن حدوا من بيننا أو طولوا حد العقوم
يابدويه طبعي أرقى فوق كل الطايلات






إحذري يابنت منهم طبعهم نفث السموم
عولمتهم لو أعرفها طلع معنى الشتات




ضيقوا صدر العباة ووسعوا طرف الكموم
وبيجي يوم نشوف فيه شقوق في,, وسط العباة!!

[راعية اطيب قلب]

حجز اول

الله الله
ماشاء الله
كلام جميل
ويحكي مأساة ارض الواقع
لاهنت على جميل ماتتحفنا به

اسعدك الله دنيا واخره

[&آهــــات الحــــزن&]

وإن رفعتيها لراسك أصبح الراس محشوم
العبايه فوق راسك حشمه وطيب وثبات






صـــــــــح لسااااااااااانك مليووون مره

وعز الله صدقت بكل حرف اخوي ليه يازمن

والله يسترهم دنيا واخره

ويهديهم ويصلحهم

[ابوعبدالرحمـن]

ليه يازمن

كبـيييييييييييييييييييييييير



والله إختيار موفق

وبيض الله وجهك على ماقدمت

مع التحفظ على بعض المفردات

بس الفكره 100 %

:

[ضيعتني الهقاوي]

ليــــــه يازمن ...

ابيات رووووعه تسلم يمينك يالقرم ,,,

[someone]

ليه يا زمن ابيات روووعه ومعبره وصادقه
بارك الله فيك

[ليــه يازمـــن]

مشــكورين على المرور... والله يعــطيكم العافيــه...