تعوّذ من إبليس ذي دووونها رجال*!... ناصر الفهيد ...!*

[أبعاد]

قصيده للشاعر ناصر الفهيد *!..... !*



ياقلب كم لك وانـت مـن حـال فـي حـال
من شفت (سارة) وانت حالتك حاله
أنـــا مـعــك حـلــوة ونظـراتـهـا هـبــال
بـس الغـرام الصعـب مـالـك ومـالـه
ذي عنـدهـا لـكـزس وسـايـق وجـــوال
وأنـا كـورولا .. لا وبإسـم الوكـالـه
سـواقـهـا فـــي ذمـتــي يـاكــل أثــقــال
كلّه عضل شف كيف يرفع شمالـه!!
تـعـوّذ مــن إبلـيـس ذي دونـهـا رجــال
وأنــا مكـسّـر خـــل مـنــك الهـبـالـه
تـسـكـن بـفـلّـة ماتجـيـلـك عـلــى بـــال
شغل أجنحة .. ماهو مقلّـط وصالـه
مصـروفـهـا يـكـفـي ثـمـانـيـن رجّــــال
ياشيـخ أبـوهـا مــادرى كــم حـلالـه
حتـى أمهـا ياصاحـبـي حـرمـة أعـمـال
واخوانهـا .. كـلٍ غنـي فـي مجـالـه
إعـقـل يـبـو .. بيحـلّـهـا ألـــف حـــلال
أنــا أطـلــب الله وادّعـيــه وأسـالــه
إسهـر وفـل حـجـاج نبـضـك وإذا طــال
فيك السهر .. ارقـد مثـل منـت دالـه
وش غيّرك ! .. قد كانت أوضاعنا عال
لارحم أبو (روبي) على (البرتقالـه)
خـلّــوك لـلـحـسـرة والآمــــال حــمّــال
حتـى غديـت بداخـل الـصـدر عـالـه
حتـى هلـي مــن شافـنـي منـهـم قــال :
لا يـابــري حـالــي ويـاوجـدنـا لـــه
ياقـلـب تـكـفـى وش مـعــك والتـخـبّـال
إلعـن ابليـس وكــب مـنـك الخبـالـه

!*....أبـــــــــــعاد .....!*

[عجميه الرس]

ابعاد



صح لساااااااااانه


ولا هنتي اختي على القصيده الروووعة

[أبعاد]

الله لا يهين طاريك أختي عجميه الرس!*.... !*

مرورك شرف لمتصفحي !.*......

*!... أبـــــــــــــــــــعاد .... !*

[فيصل أل هتلان]

ياسلامي علــــيش يااااذوووق

ابيات روعة .. تسلمين على النقل الرائع . يا أبعاد


تحياتي

[محمد الشامري]

ايه والله كب منك الخباله

ابعاد صح الله لسانش ولسان شاعرها

ولاهنتي على ذا الرائعه

[أبعاد]

فيصل ال هتلان ...*
محمد الشامري...*

ومن قال ما يهون وصح الله ابدانكم*
...شاكره لكم المرور المشرف...*!

..*أبعاد..*

[بدر العرجاني]

ياقـلـب تـكـفـى وش مـعــك والتـخـبّـال
إلعـن ابليـس وكــب مـنـك الخبـالـه

الله يلعنك يا إبليس

لا هنتي أبعاد وتقبلي مروري

[كهرب]

يعطيج العافية على القصيدة....
وعساج على القوة.

[الجوـوـوـوـري]

الله لاهينيش يالغلا
وتسلمين فديتش على ذالقصيده الرائعه

[مشبب الدوسري]

صح لسان الشاعر
وتسلمين ابعاد