سالفه ولااروع

[ملكعه بس غير]

والله عاد كيفكم كل مانزلت موضوع قعدت ساعه افكر وين احطه ياربي في المنتدى العام ولا الاسره
ويوم اقرر واحطه تزرفونه لمكان ثاني علشان كذا انا هالمره مافكرت واجد يعني وشهوله المراقبين شوفو وين مكانه الصحيح واقلعوه هناك :D

الموووهم انا والله قريت لي قصه في احد المنتديات وحبيت اقولها لكم << تدعي يارب يارب مومكرره
الوكاد هذا ياطويلين العوومر والسلاااامه رجال اجودي كان دايم يتنقل بين ديرته والدير اللي حوله يتابع رزقه الرجال
المهم كان دايم يمر له على قريه نائيه بس فيها محطه ويوقف فيها يعبي بانزين ويكمل طريقه
هاك اليوم وقف بالمحطه ولا يلمح له جنازه ويروح الرجال يبي يحتسب الاجر ويلحقهم وكانو سبعه شايلين الميت ويجي هو ثامنهم ويشيل معهم
ويوصلون لمكانهم وينزلون الميت ويبدون يصلون عليه صلاة الميت
وبينما هم يصلون ولايلتفت الميت على الرجال ويغمز له ويطلع لسانه
قام الرجال اختلع mg: وانحاش لسيارته ولاالتفت عليهم ابد
يوم ركب السياره ويلتفت الا الميت جايه يركض mg: << لواني مكانه كان مت
ويدعس الرجال بانزين وينحش ويحلف انه مايمر ذيك الديره ولاعلم احد قال ان علمتهم ماراح يصدقوني وبيضحكون علي بيقولون رجال وش كبره وهذي سوالفه << من عندي بس احس انه قال كذا :D
المهم ماقال لااحد من اللي يعرفهم
وهو يروح ويجي على الخط بس مايوقف عند ذيك الديره
ويجي يوم وهو رايح ويخلص بانزينه واحتد الا يدخل الديره ويروح للمحطه نفسها وينزل بسرعه ويقعد يعبي بسرعه بسرعه ولا يجي ذاك الواحد ويحط ايده على كتفه يوم التفت صاحبنا الا هو الميت اللي ذاك اليوم
مرج واختبص ووده ينحاش بس مسكه الميت وقال يارجال اذكر الله خلني اعلمك السالفه كووولها
قال السالفه طال عمرك << الميت اللي يسولف
اني رجال نظول وعيني حاره وكل يوم وانا سادح واحد من عيال عمي بسبة عيني وتأذو اهلي وجماعتي مني قالو علشان تبرد عينك << مدري صح او غلط
قالو له لازم نصلي عليك صلاة الميت تقوم العين ذي اللي فيك تروح منك وانا قلت لهم على راحتكم سوو اللي تبونه
ويجي ذاك اليوم ويغسلوني عيال عمي ويكفنوني وشلوني بيصلون علي قمت انت جزاك الله خير تليقفت وجيت معهم وانا يوم شفتك دريت انك تحسبني ميت قلت بلعب عليه :D
ويوم شفتك هجيت قلت بلحقك اعلمك وش السالفه لاتنهبل على اهلك بس ماامداني الحقك ويوم شفتك اليوم عرفتك وقلت لازم اقول لك اللي حصل وافهمك باللي صار << قسم بالله مت ضحك عليه :D
عاد صاحبنا الملعوب عليه يوم سمع السالفه فطس ضحك ويعزمه اللعوب اللي مسوي نفسه ميت على القهوه بس ماتهنو فيها طول القعده واخونا بالله يضحك ماقدر يتكلم :D
وسلاااامتكوووووووووووم

برايفت للمراقبين
شوفو وين مكان هالسالفه الصحيح وازرفوه هناك ولاعليكم امر

[راشد العتل]

ماشاء الله الوجوه التعبيريه تؤدي الحدث بشكل متقن هههههه

الله يعين المراقب على مايلاقي مكان هالموضوع المناسب

وشكرا يالملكعه

[ابن جديعان]

قديييييييييييييييييييييييييييييييييييييييييييييييم ه طلع من فمش طعس لكن عالعموم مشكوره

[الحظ جـابكـ]

لاهنتي على الموضوع

اختي ملكعه

تحياتي لش..

[راكان اليامي]

كح كح مدري من وين جانا ذالعج

الربو ذبحني

القصه حلووه وقدييمه اقصد جديده هههههههه

تسلميين ياملكعه بس اللي محلي القصه كلاامش ههههه

[النـايف]

هههههههههههههههههههههههههه أشهد أن ربي غار على المسيكين

ملكعه بس غير

لا هنتي والله على نقل القصه الطريفه .. والله يعطيك العافيه ..

النايف

[راكان بن فيصل الحثلين]

ياسبحاان الله الرجال اختلع وراح لسيارة الله يكفيناا شرها هالسياره انا اشهد انش مغبره انتي والقصه لوووووول سملتي على القصه الرائعه وتسلم يمينش على النقل ولاهنتي فديتش


وشــكــرا..؟؟..؟؟

[ابوراكان]

الميت رجال نظول ههههههههههههههههههه
ملكعه بس غير تسلمين على القصه الطريفه

[ملكعه بس غير]

والله ان قلبي مهوب خبل حااااسه انا انكم عارفينها بس عاجبتني :D
كوووووش على ابليسكم قصم انكم ماتعرفون شي اسمه مجامله كان قصيتو علي جبرتو بخاطري مثل النايف وابوراكان ياشينكم بس متى تعرفون البرستيج :D
عالعموم مشكورين على الرد ماقصرتو

[شبااابي]

لا هنتي ملكعه بس غير يعطيك العافيه