نوض البرق

[سمو الرووح]

نـــــوض الــبــــرق

ياصاحبي يشوقني نايض البـرق=يم الجنوب بعـذب مـاه وهماجـه


وإن شفتني زهقان ولاحِنْ الورق= فالرجل مرهـونٍ بـداره مزاجـه


غلاك هو اللي جابني ديرة الشرق = ولاترى مالي بذي القـاع حاجـه


لالي بساحلها ولا شوفـة العـرق = ولا الهبوب أللي تزايـد عجاجـه


لكن وجودك فوقها هّـون الفـرق = مثل العطر ينعش فراغ الزجاجـه


وأنعشت فيني الذايقة وانظم الطرق= شاعر وهاجوسي يزيد انزعاجـه


قصيـدةٍ يخطهـا الحـبــــر لازرق = أشكي مرض قلبي وأدور علاجـه


عساك منها قلبـك يحـن ويـرق= وتبقى معك ذكرى لحين نتواجـه


ويطيب فيني لاهب كنـه الحـرق= والهم عن صدري يبين انفراجـه


والمركب اللي في بحر حبكم غرق= يرسي بعد ماكان طـافٍ سراجـه


والعاشق اللي وردة الفل له سرق= اليوم يقطفها ويضحـك حجاجـه


يعزف مغانيه على الناي والأورق= طاب اللقاء والقلـب زاد إبتهاجـه


دامك معي ياساكن ازرق العـرق= يامن سحرنـي بالدلـع والغناجـه

ممـــا رااااااااااااق لـــي .