فـي [بـلاد الحلـم]..ممنــوع العقــال..!!

[ِِِAL 3ajmiah]

جــانـي واحــدٍ وَ قــال : بـسـأل كم ســؤال..
وقـبــل يســأل قـلت : أنـا مــانـي خبيــر..
قـال : جـاوب بس..ياولـد الحـلال
وكـل كلمـه حطـها فـي بيتٍ صغيــر..
قـال نبدى : شنهــو..تعريـف المُحـال..؟


قـلت
:



خَــلْ هالكـلمـه
فــ البـيت الأخيــر..!

القهـــر : إن شفت دمعــات رجـــال..!
والوطـن : [إنســان] ..متغيــر كثيــر..

والطفــل : لعبـة علـى شـاطئ الرمــال..
والأمـل : إحـساس في عيـن الضريـر..

الوفـا : [قلبيـن] يجمعهم حلال..
والرجـل : اللـــي على أهـله يغيـر..!

والرجــا : لاقلـت [للــواطي] تعــال..
والفشـل : مـدري..ولكـنـه مريــر..!!

والشـعر : فـي وقتنـا..بدر و طلال..
زيـن وأول : حيــــل يعجبنـي جرير..!

والغلا : إحســاس الـى حد الخيــال..
والعشـق : لا شفت معــشوقك..تطيــر..

والجفــا : إعكـسْ مفاهيـم/ الوصــال..
والــوصل : يعنـي تأكد فيـك خيــر..

والعقــل : تسفــه أقــاويـل الجهــال..
والجـهل : إن قلت عن نفســك كبيــر..

والخطــر : لاصــار ماعندك مجـــال..
والبــلا : إن صــرت معــدوم الضميــر..

والعجــب : لاصرت تسأل منــهو قـال..!
والتعــب : إن كنـت تبحـث عن مصيــر..

الغنــى : بالنفس ..ماهو راس مــال..
والفقــر : مـن كــان ..بأعمــاله فقيــر..

يكفي يكفي..أسئـلـه إنهـي الجـدال..
ويالله علمنـي عـن .. السرّ الخطيـر..



مــاأبي تضرب لي فـي غيـرك مثــال..
قـول : عنّك واعتبر سرك في بيـــر..



جــات طعنـه من جنـوبك والشمــال..
يعنـي وضعـك بين من حــولك خطيــر..



صــاحبـي وإن ضــاقت بعيـنك ليـال..
لــكـ فرشـت القلـب مــفروش الحــرير..



فـي [بـلاد الحلـم]..ممنــوع العقــال..
والمصيبـه الشعـب ماأختــار الأميــر ..



ومــا ألومـك .. كــان شديـت الرحــال..
دام بيــتك جــرح / وفــراشك حصــير..



وهـذا تعريــفي الـى كلمـه / مُحــال..
شـي ودك فيـه ولا يمـكن يصيـر..

[على دروب الغانمين]

ياسلاااااااااااااام ابداااااااااع
قصيدة قمة على قمة

تسلمين على الاختيار وصح لسانش و لسان الشاعر

[ِِِAL 3ajmiah]

صح بدنك .. الله يسلمك ويحفظك ~

[ناثرة الورد]

{{ العجميـهـ }}
,
,
آآبداع غير مستغرب
دمتـي بهذا الرقي
تقديري ..,

[ِِِAL 3ajmiah]

ناثرة الورد

لك الشكر يالغلا ع مرورك الكريم ~