هدية العيد - رائعه - لـ حسين القفيلي اليامي

[عبدالله الوعيلي]

ليت وإن جا العيد ياسمح السجايا=يبتسم حظي وتهنى العين شوفك
وليت وإن جا العيد تاتيك الهدايا=ونتبادلها وتدفيني اكفوفك
ياغنااااااتي يا بعد كل الصبايا=يا زعيم البيض ياكامل وصوفك
الزمان يهدني وايش السوايا؟؟!!=طالت الشده ولا زانت ظروفك
بس لك في داخلي بين الحنايا=مرقد (ن) يدفيك من بردٍ يلوفك
وسط قلب(ن) مخلصٍ لك بالنوايا=عادةٍ يذكرك ويردد حروفك
يعشقك ياااااازين ياعذب الثنايا=وانت خوفه والأمان إن زاد خوفك!!
وانت حوض للسهوم وللمنايا=وانت كل العطف يامكرم ضيوفك
غير مره ناوياً فيني الزرايا=كل ما ناديت تعطيني كتوفك!!
بس انا طبعي دموحٍ للخطايا=يوم هي منك وانا نفسي تروفك

رائع ابو مشاري صح لسانك


لـ الشاعر حسين القفيلي

[الفرس]

صح لسان الشاعر حسين اليامي ..


ولاهنت على النقل اخوي عبدالله ..


تقبل مني ازكى تحيه ,,..

[يوران]

صح الله لسانك ولسان ولسان حسين

ولاهنت يابوحزام

[ابو فيصـــل]

تسلـم يمينك يبو حـزام وصح لسان الإعلامي أبو مشاري وما يجي الطيب ألا من هلـه .

الله لا يهينـك .

[&آهــــات الحــــزن&]

صح لسان الشاعر حسين اليامي


ولاهنت على النقل اخوي عبدالله

[مسعطر]

صح لساااانك و لسان حسين على القصيدة

الرائعة و الإختيار الجميل.. تقبل

مروري و تحياتي..

[عبدالله الوعيلي]

الفرس

شكرا ً لـ هذا المرور


تقبل تحياتي

[عبدالله الوعيلي]

يوران

شكرا ً لـ هذا المرور


تقبلي تحياتي

[عـسـاه خـيـر]

لاهنت يا السنافي على النقل الجميل وصح السان شاعرها