الــــفــــدائـــيــــّـــه !

[مناحي الصميل]

السلام عليكم ورحمة الله وبركاته



مصافحه ثانيــه لعلها تلاقي عندكم قبولاً وإستحساناً

يا قطع كبدي على فرقا المحبيني = اللي لهم داخليّ اقصور مبنيّه
الهم والغم واللوعات تآتيني = مجروح .. لكن ما عيّن مداويّه
وين انتِ ياللي عليش القلب مشقيني = يأم الدلع والترف ياعيون حوريّه
ما كان غيرش ابد احدٍ يسلّيني= والحين صارت حياتي شبه منسيّه
الحزن والضيق من فرقاش يكويني = يلعب بي الحزن شرقيّه وغربيّه
حتى القصيده تبيّن وش بقى فيني= لا من بغيت الغزل .. اخطّ مرثيّه
اكتب قصيدي على المسحوب وهجيني = واحاور القلب رديّه ورديّه
اسبي بيوت الشعر مرّه وتسبيني = واغزي طواريقها .. بشلفا وجنبيّه
اربّع الشعر لكنّه يسرّيني = ملعون جدّه .. تقعّد لي بعوكيّه
الين صار الشعر ماعاد يبغيني = وانا بعد صار عندي .. دون اهميّه
كلّه بسبّة غريرٍ داعج العيني = افديه بالعمر من اوّل وتاليّه
ذي كلمة الحق وعروقي تملّيني = انا فدائي عشق بنتٍ فدائيّه
اطلب من الله يخليها ويخليني = ويرحم عيونٍ غدت عقبه شقاويّه

وسوالم

[مهرة النسيان]

يا قطع كبدي على فرقـا المحبينـي=اللي لهـم داخلـيّ اقصـور مبنيّـه
الهـم والغـم واللوعـات تآتيـنـي=مجروح .. لكن مـا عيّـن مداويّـه

روووعه .. صح لسانك مدد بلا عدد ..

دمت مبدعا وبانتظار الجديد دائما ..

[الخليفه]

أبيات جزله من شاعر جزل
صح لسانك يامناحي الصميل
وبارك الله فيك

[مناحي الصميل]

مهرة النسيان


صح الله بدنش


ولا هنتي على مرورش العذب



اخيش

[فهد بن محسن]

الاخ \ مناحي الصميل


صح الله لسانك ولا هنت على هذه الابيات الرائعه

مودتي لك

اخوك

فهد بن محسن

[ألـمـان الـعـرب]

مناحي الصميل .. الله يعطيك العافية وصــح إلسانك قصيدة جزلة ..

لاهنت تحياتي لكم

[مناحي الصميل]

عبدالله آل زريق


ارحب


صح الله بدنك يالسنافي

ولا هنت على مرورك الكريم

اخيك

[مناحي الصميل]

فهد بن محسن



ارحب


صح الله بدنك طال عمرك

ولا هنت على مرورك الكريم


اخيك

[الشيخه]

اكتب قصيدي على المسحوب وهجيني = واحـاور القلـب رديّــه ورديّــه
اسبي بيوت الشعر مـرّه وتسبينـي = واغزي طواريقها .. بشلفا وجنبيّـه

اخى الكريم : مناحى الصميل

صح اللسانك قصيدتك حلوه بس يبيلك تركز اكثر على اختيارك للمفردات القويه ....

تقبل منى خالص التحيه

[مناحي الصميل]

المان العرب

صح الله بدنك


طال عمرك

ولا هنت على مرورك الكريم


اخيك