فكيت قيدك

[زهرة الخزامى]

أخذت عمر ما عرف غير دربك=وأخذت مني السعاده ومن يديني
وأن كان تحسب اني بكون بأمرك=ترا الصغير يكبر وتعلمه السنيني
خلقت حره ماني من عبيد قصرك=أو تشك اني من حلالك مشتريني
للصبر أخر وانا عرفت كيف قدرك=ولا تحسب أن عقب هاليوم تذيني
ولا عاد لي بعشرتك ولا لي بقربك=ولا عاد بسمع بكلمة منك تكويني
ولا عاد بقبل التأسف ولا عذرك=حسبتك معزه وأثرك اللي بتفنيني
عشت مضيومه وانت يا هيه خبرك=دورت السعاده واثرك اللي تشقيني
فكيت قيدك خلاص ما عدت بسرك=وأن فكرك بضيع الدرب لا تدليني
رب خلقني وخلق لايديك عشرك=كفيل انه عنك وعن غيرك بيغنيني

واسمحو لي علي التقصير

[راكان اليامي]

اول مرحبا ومسهلا بين اخوانش واخواتش وصح الله لسانش

وترا نسقت القصيده

وننتظر قصيدش

[فهد بن محسن]

الاخت \ زهرة الخزامى


تسلمين على المشاركة اختي الكريمه

ولاهنتي ..

تحياتي لك

[أبو مسعود]

تسلمين على المشاركة اختي الكريمه

ولاهنتي ..

[حبيب]

اخت زهره حيا الله

بدايه طيبه والقصيده طيبه

ولكنه ينقصها الوزن تاكدي من الوزن

[زهرة الخزامى]

iأشكر كل من رد علي قصيدتي ودمتم بود
تحياتي
زهرة الخزامى

["بدر العجمي"]

زهرة الخزامى

قصيده جميله وانتى بعد رائعه

بس لو خاطره تبقى اوكى

تحياتى

[زهرة الخزامى]

مرحبا بمرورك اخي بدر
واسفه لتأخري بالرد

والقصيده لا تكون بخاطره
اشكر لك ملاحظاتك

[مهرة العجمان]

روعه عزيزتي زهرة الخزامي

ننتظر جديدج

[الوافـي]

لاهنتي اختي زهرة خزامى على القصيده ..

والله يعطيش العافيه ..

تقبـلي تحيـاتي ..